الموضوع اليوم إسم صعب وفعل أصعب بكتير
موضوع كله أفعال كنا بنشوفها نوادر أيام زمان لكن دلوقتى بقت من ضمن الواقع ال احنا بنشوفوا يوميا أمثله لأفعال ناس المفروض انهم رجال سواء بالجنس أو بالصفه
مخلوقات كانت رجال
أمثله كتيرة لأنواع من الرجال منتشرة ما بينا جدا وللأسف بنشوفهم بعنينا
نوع منهم تبقا حياته جيده ومستقرين ومرة واحده تدخل حياتهم ست تانيه تقلب الحياه معاهم ويفسدوا حياتهم وبعد مايندموا يقولوا دى نزوة لا وكمان ممكن يسيب أولاده ويهجرهم ومايصرفش عليهم وفى الأخر يرجع ويقول ندمان طب ايه ال يجبر زوجتك انها تتحمل نزوتك دى
طب ماتشوف ايه وجه التقصير الأول من ناحية زوجتك واتكلموا شوف نفسك يمكن انت مقصر دينيا عشان كدا وقعت فى الخطأ إبتلاء من ربنا راجع حسابك مع ربك
الخيانه
الخيانه طبع سئ ولما بتكون فى زوج بتبقا من أسوأ الحاجات ال ممكن الزوجه تشوفها وخصوصا لما يبقا من النوع ال مش بيهموا أى شخص سواء من أهله أو من أهلها
النوع دا صعب التعامل جدا وبيبان على فكرة قبل الزواج فا من المفترض انك متقبلش بشخص زى دا لبنتك وحتى لو مكتشفتوش قبل الزواج مجرد ماتعرف انه دا شئ متأصل فيه يبقا الإنفصال أسلم حل لأنه بيتبع أسلوب المجاهرين بالذنب
و يقولها ( أنا كدا وإن كان عاجبك ) ولو يتيمه لا حول لها ولا قوة وملهاش أى حيله بيزيد معاها للأسوأ
النوع دا للأسف بيبقا أوقات كتير البنت مغلوبه على أمرها معاه لو ملهاش حد وبتكمل حياتها وبترضا ولا يسعها سوا الدعاء له لكن المشكله كمان مش فى دا المشكله ان النوعيه مش عارفه ان فى عقاب ربنا فى الدنيا والأخرة وإن مكانش فى الدنيا اكيد هيبقا فى عقاب الأخرة نسأل الله العفاف فى الدنيا والأخره
فى نوع أخر من هذه المخلوقات التى تشبه الرجال قال عنه الرسول صل الله عليه وسلم ( الديوث ) ودا للأسف ماينفعش بالمرة الإرتباط بيه دينيا قبل أخلاقيا لأن الرسول لعنه ووصمه ودا ليس فى همه شئ لا يحرم ما حرمه الله على زوجته وبناته وأبنائه كمان لأن الديوث مع زوجته وبناته هيبقا ديوث مع أبنائه فى أشياء أخرى
مخلوقات كانت رجالا
زوج بيسمح لأهله التدخل فى حياته سواء كان أم أو أب أو أخت أو أخ أيا كان ولكم أن تتخيلوا تدخل بكل شئ يخص به هو وزوجته ولو الزوجه حبت تطالب بأقل حقوقها وهى الخصوصيه تقال الكلمه المعهوده ( إنتى عاوزة تاخدى ابننا مننا ) طب هل رجعت للشرع والدين وسألت هل دا يجوز أصلا فى الدين ولا لا طب هل من الصح إنك تدخل فى حياتكم الناس دى ويتحكموا فيكم بالطريقه دى هل لو أختك تزوجت مثلك فى هذه المواقف هتقبل بدا معاها هل هتقبل بكما تدين تدان طبعا لا يبقا نعمل بالقرأن حكما من أهله وحكما من أهلها وهم ال يحكموا بعد مايسمعوا الطرفين ولا ظلم لأحد
البخل
هل تعتقدوا ان البخل له علاج طب لو بخل الفلوس له علاج بخل المشاعر له علاج طب لو بخل المشاعر له علاج بخل الرجوله له علاج ماهو أصل البخيل بخيل فى كل شئ فلوس مشاعر وحارم زوجته منها رجولة ودى كمان معدوم منها لأنه ببساطه بيقبل ال محدش يقبله زى ان زوجته تصرف عليه وأوقات هو ال بيطلب دا النوع دا أيضا لايحتمل العيش معه بجميع الطرق ودا طبعا بيبان جدا قبل الزواج فا من الأفضل عدم الزواج بهذه الفئه مطلقا
الخلاصه فى دا كله انها نماذج سيئه للغايه ماينفعش يتعاش معاها بالمرة ومجرد مالعيوب دى نلاقيها فى حد أو تظهر عليه ماينفعش نأمن على بناتنا معاهم لأنها فى الغالب هتنتهى بكارثه
دمتم سالمين
شيماء حجاج
ليست هناك تعليقات:
إرسال تعليق