مش هاترجع انت تانى
زى زمان
لو جريت وركبت حتى
ميت حصان
دا اللى فات لما بيمشى
مش بيرجع
واللى قالك انه فى جرح
مش بيوجع
اعرف انه ياما قاسى
مش جبان
مش هاترجع انت تاني
عيش لنفسك
واللى عاش حب الاماني
مات فى قلبك
اااه يا جرح بس يحكى
ومش بيسمع
وابتسامه شايله فرحة
وعين بتدمع
ويحسدونا ع البكا
زى الامان
طيب يلا غنى فى البعاد
قول كمان
اكتب حكايتك خلى قلمك
يلاقى حرفه
افرد دراعك للهوا
ع اللى انت شايفه
واللى فى يوم خلى قلبك انكوى
ما تقول خسرته
مش هاترجع انت تانى
زى زمان
لو جريت وركبت حتى
ميت حصان .
ليست هناك تعليقات:
إرسال تعليق