ترتيب المطبخ من الألف إلى الياء. مقدمه من شيف Batot Ahmed

ترتيب المطبخ من الالف الى الياء
مقدمه من شيف المتميزه Batot Ahmed
السلام عليكم ..

ازيكم حبيباتى انا النهاردة قلت انزل لكم ترتيب المطبخ واللي عندها افكار تانية ياريت تنزل الصور علشان كلنا نستفيد اي اكسسوار زينتي بيه او اي فكرة عملتيها ممكن تفيدنا صوريها ونزليها علشان بيوتنا تبقى في احسن صورة والله لو حاجة رخيصة باتنين ونص وعملت منظر وشكل جميل نزلي صورتها وما تقوليش دي رخيصة مش ها تعجب البنات لا احنا بتبادل الافكار مع بعض انا بعتبركوا اكتر من اخواااتى بنشجع بعض فى كل حاجة وبنستفييد من بعض وبتنمنى الخير لبعض بجد علشان جروبنا يكون  مفييد جدا لتعليم الست المصرية او البنات اصول البيت واصول الحيااة فى كل حاجة وهوا ده الى امركم شورى بينهم الواحد لو لوحده ميقدرس يعيش ولا هيكسب معلومات جدييدة ولا افكااار وكل مابنكبر  بنتعلم واللى بنتعلمه بنعلمه لاولادنا وان شااء الله نفضل مع بعض على طول

كلنا  بنحلم بالمطبخ المثالي والمرتب بس ازاى ممكن نرتبه او ايه الحاجان اللي ممكن تساعدنا في جعله مطبخ الأحلام ؟؟؟

اول شيء اختيار الالوان من خزانات وسيراميك

و نبدأ بالأشياء الكبيره وهي الخزانات اذا حسيتي ان الاشياء داخلها متكدسه وفوق بعضها  اول حاجه طلعي الاغراض كلها وقسمي الخزانات ..اولا مكان للصحون اللي تستخدم يوميا ورتبيها بالاحجام وبعدين بالاشكال المتشابهه ..واذا كان مطبخك صغير والخزاين مش كافيه تحطى حاجتك ممكن تركبي ارفف ..
الاطباق المستخدمه في المناسبات خزنيهافى مكان آخر وغلفيها اما بورق جرائد او بمغلفات خاصه ممكن تلاقيها في المحلات الكبيره.
او صناديق كرتونيه متوفره باغلب المحلات ..
صواني الكيك والحلل نظميها بنفس الطريقه بحيث تكون الأحجام الكبيره مع بعض والصغيره مع بعض .

اكواب الحليب والقهوه ..
حل بسيط ورائع وجدا عملي ورخيص وهي علاقة الاكواب ومتوفره في اغلب المحلات وباسعار جدا مناسبه.منها الخشبي ومنها المعدن
او اللي بتتعلق بالخزاين فوفر لكي مكان فيها

نيجى لترتيب الملاعق ...
ملاعق الغرف والطبخ تكون قريبه من الفرن سواء داخل الادراج او معلقه ..في الادراج افصليهم عن بعض الملاعق عن السكاكين عن الشوك او اي اغراض ثانيه بسلال صغيره بحجم الملاعق او افصلي بينهم ب حواجز خشبيه وصمغيها بالصمغ الخاص بالخشب ..أو هاتى الصفايه الكبيره بيكون فيها مكان للحلل ومكان للملاعق ومكان للشوك ومكان لمعالق الشاى الصغيره
وممكن تلاقي الحواجز جاهزه منها البلاستيك ومنها الخشب في المحلات الكبيره

ترتيب البهارات والمواد الزجاجيه ...ممكن تلاقي التعليقات اللي تلصقيها بالخزائن او تثبت بالمسامير بطريقه مرتبه ..

مع تطور طرق تخزين البهارات وكثرتها لك الخيار  باختيار ما تريدين وهذه بعض الاشكال المتداوله بالاسوق وايضا يفضل ان تكون بالقرب من مكان الطبخ
الكلينكس والالومنيوم وابلاستيك الرول ...لهم حاملات خاصه وباشكال متنوعه ..واذا حابه تدى للمطبخ لمسه ديكوريه اختاري للمناشف والعازلات الفرنيه لون موحد و يناسب لون مطبخك

ممكن تثبت على الجدار ..
وممكن تكون لها حاملات خاصه باشكال جميله تعطي ديكور رائع للمطبخ ..
ومنها ممكن يتثبت داخل الخزاين

طاولة المطبخ ..
اذا في مكان لها فالافضل تكون في الوسط بس اذا مطبخج صغير ممكن تخليها في الجنب واذا عندك اصلا في ديزاين المطبخ كونتر فهذا يغني عن الطاوله. ..والافضل اختيار طاولات تناسب لون المطبخ وحجمه وفيه طاولات مناسبه المطابخ الكبيره وفيه بتناسب المطابخ الصغيره ولو المطبخ صغير اوى فيه طاولات بتتقفل وتتفتح وبتدخل فى تقفيل المطبخ نفسه

وفيه بعض الاكسسوارات المكمله للمطبخ بتكون مهمه جدا زى حاملات الملاعق الجداريه واللي بتتحط عند الفرن .

حامل الفواكه ..
حاملات الصحون اللي تستخدم جنب الحوض لتنشيف الصحون
السلال اللي بتتركب على المغاسل لتنشيف الخضار
حافظات الخبز وتحافظ على رطوبة الخبز وتحميه من الحشرات
زجاجات زيت الزيتون والخل

طيب فيه أفكار بسيطه مش مكلفه ممكن كلنا نعملها ...زى ايه تعالوا نشوف

اولا البهارات
انا بحط البرطمانات الكبيرة فى درفة مكشوفه زى الرز او الشعريه وممكن تستخدمى شفشق بلاستيك مش بتستخدميه وتحطى فيه الرز أو الدقيق المكرونة وكدا الحاجات الى تحت ايدى على طول والى لازم اشوفها
ثانيا
على شمال البتوجااز التوابل الصغيرة الى بستخدمها على طول القرفة الجنزبيل توابل الفراخ كدا وتلت علب كبيرة للملح والفلفل الاسمر والكمون
ثالثا
التلاجة وعليها مغناطيس عشان الحاجت الى نقصانى اكون عرفاها والحاجات الى عاوزة اعملها انهارده

رابعا
العلاقات فى المطبخ مهمه جدا خصوصا علاقة فوطة المطبخ ومريلة المطبخ

خامسا
 مدخل المطبخ (الستاره )
طبعا بتدى شكل مختلف جدااااااااااااا للمطبخ

وممكن ننفزها بنفسنا وباشكال مختلفه وبدون تكاليف
ويفضل تكون حاجه بسيطه وهاديه

ممكن من الخرز وممكن من الكارتون وممكن من ورود قديمه

ولو هنفزها قماش بلاش تكون ببرقع البساطه افضل ودى فكره من الكرتون بسيطه وجميله جداااااا

سادسا
ستاره الشباك
يفضل انها تكون على مقاس الشباك بالظبط
وتكون قماش وحاجه بسيطه خالص
ممكن ننفزها من ملايه قديمه او حتى جلابيه
ودى فكره سهله وعمليه ومش محتاجه محترفات ولا اى حاجه

سابعا
3- الحوض
ماتخليش عليه اى حاجه لازم يكون فاضى
الليفه والمنظف يكونوا فى الصبانه والحوض يتغسل ببريل او اى منظف ويتنشف بفوطه قطنيه
مهم جدا تنشيفه وممكن تحطى عليه صفايه كبيره تستغلى المساحات

ثامنا
 - تحت الحوض
مفيش داعى للكراكيب الى بتبقى تحت الحوض لومقفل ممكن نخزن فيه المنظفات وادوات التنظيف
ويتنضف باستمرار لانه بيئه مناسبه جداااااااااااااااا للصراصير
ولو مش مقفل ممكن يتحط تحته الباسكت او تربو بسيط ونرتب فيه المنظفات
ونقفله بستاره بسيطه من ممكن ملايه قديمه او من ستاره قديمه

تاسعا
البوتجاز

اختارى الطريقه اللى تناسبك فى التنظيف
بس نقطه مهمه لازم بعد كل استخدام مسحه وتنشيفه
وبالنسبه للتجديد فكره الفويل مش عمليه لانو صعب تجديده بشكل يومى
ممكن نغطى الزجاج الحرارى بس بالفويل ونوزع عليه استيكرات من ابو 25 قرش (توفير بقا )
بيدى شكل مختلف وممكن نشترى الاستيكر الجاهز  ومش مكلف

عاشرا
الثلاجه
بالنسبه لتنظيفها بميه وخل فقط بلاش بريل او اى منظفات تانى
لان الاكل بيلقط ريحه المنظفات وبيبقى غير صحى
بلاش فكره فرش الرفوف
لانها بتمنع توزيع البروده داخل التلاجه
-بالنسبه للخضار (طماطم -خيار -كزبره -بقدونس ) يتغسل كويس ويتنشف
ويتحط فى اكياس قماش قطنيه بعد تنشيفه ويتحط فى درج التلاجه وكده الخضار هيفضل سليم فتره طويله
وممكن ننفذ الاكياس دى من بواقى اقمشه عندنا

11- الفريزر
فكره الاكياس المضغوطه عمليه جداااااااااااااااااا فى تنظيم الفريزر ومش بتاخد مساحه
سواء فريزر مستقل او فريزر الثلاجه وبالنسبه للفريزر او الثلاجه من بره ممكن نوزع عليها استيكرات خفيفه للتزين
وممكن نحط فوق الثلاجه زجاجه البقول ودى سهل جداااااااااا تعمليها بنفسك طبعا

12_
الغساله
ممكن نعمل علبه للمسحوق ونحطها فوق الغساله من كرتونه قديمه ونغلفها بالقماش
طبعا اكيد هنتكلم عن الكفر
ممكن نعمل كفر بسيط من ملايه قديمه وشكله عملى وجميل جدااااااا
وسهل ومش محتاج خبره ولا اى حاجه

13-
المساكات وفوط المطبخ
المسكات والفوط سهل جداااااااا نعملهم من قماش قديم
تقصى الشكل اللى يعجبك وتنفذيه سواء بيضاوى -مستطيل -دائرى
والفوط ممكن فوطه قديمه نقص منها اشكال مختلفه ونزينها بكلف قديمه او اى فكره
وكذلك الجوانتى قصى على مقاس ايدك وبطنيه وخيطى مفيش اسهل من كدا

14-مريله المطبخ
ما اسهل انك تعمليها بنفسك وبتبقى تحفه لو من الجينز القديم
وطبعا فى ليها اشكال كتير جداااااااااااااا وعمليه خالص

15 -حامل لادوات المطبخ
ممكن ننفذ الفكره دى هتشيل بلاوى وعمليه جدااااااااااا كمان

16-دولاب المطبخ
وده هنتكلم عنه بتوسع شويه
اولا  وبيتنظف من الداخل بميه و ببريل او اى منظف اخر
وبيتفرش ممكن بقماش ملايه قديمه ونركبله كلفه
وممكن بمفارش بلاستك
بس اكتر فكره عمليه (استيكر الخشب ) بيتلزق وسهل تنظيفه ومنظر رائع

17-البقوليات والتوابل ---الخ
ممكن نعملها طقم توابل من علب المربى القديمه او النسكافيه ونزينه

18-المكرونه ممكن نحفظها فى زجاجات فارغه زى كده
وسهل جدااااااااااااا تنفيزها

19-ممكن نستخدم سلال ننفذها بنفسنا ببساطه اشتغلى على المتاح عندك

20-بالنسبه للادراج
المعالق ممكن نعملها منظمات من الكارتون او العلب البلاستل
او الزجاجات البلاستك الافكار مختلفه نفذى اللى يناسبك منه باقى الادراج ممكن ننفذلها فكره المقسمات الكارتون

21-بالنسبه للرخامه
يفضل مسحها وتنشيفها يوميا
وكمان المفروض تكون فاضيه ونضيفه مفيش داعى للكركبه اللى بتبقى عليها

22-ممكن تعملى فرع توم من الاكياس البلاستك للزينه وده انا نفذته

23-ممكن تنفيذ فكره الجروف من جركن قديم

24-لو الشمس بتدخل المطبخ ياريت تعملى ركن للزرع بيدى طابع مختلف جداااااااااااا

25- السجاد
يفضل وضع مشايه خفيفه لسهوله رفعها باستمرار للكنس والمسح
وطبعا ممكن تنفزيها بنفسك زى ماقلنا فى الموضوع اللى فات
ودى فكره جميله وبسيطه

انا كده خلصت الموضوع ويارب تكون الافكار سهله وواضحه وكل الأفكار اللى كتبتها معظمها بالصور فيه منها من مطبخى وفيه منها من على النت
انا حبيت اشرح الافكار بتوسع شويه علشان الفكره توضح

مش عايزه منكم غير الدعاء لعلها تكون ساعه اجابه

ما تنسوش توحدوا الله وتصلوا على النبى
فى امان الله

الزلابيا مقدم من الشيف المبدعه ايمان شلبى

الحلو خفبف لقمة القاضي أو زلابيه  أو عومات
مقدمه من الشيف / ايمان شلبى
مده التخمر  : ساعه
مده التسويه  5 دقايق
المكونات
3 كوب دقيق -2 معلقه نشأ -معلقه كبيره خميرة  2 معلقه كبيره سكر - نصف معلقه بيكنج  بودر-4 ملاعق كبيره  زيت  كوب وربع ماء دافئ للعجن والماء ع حسب نوع الدقيق وممكن اضافه المزيد عند الحاجة عجينه الزلابية تبقي اثقل من الكيك مرتين
الشربات ((2 سكر 2 ماء عصير لمون )) تقيل  بارد
الطريقه
نضع الدقيق والنشا والبيكنج بودر ونقلبهم نضع الخميره  مع السكر والماء الدافئ ونقلبهم ونتركهم عشر دقايق وذلك للتأكد من فاعلية الخميره  ثم نضيفها للدقيق  ونقلب بطريقة اللت زي الفلاحين وشفنها في اللايف طريقة  الزلابيا مسابقا  ودي علشان ندخل هوا  للعجين ثم نضيف  4 ملاعق زيت  وكما لات  وتترك تمر لمده ساعه  حتي يضاعف حجمها هقلبها  ثم في طاسه  زيت مليئه وعلي نار هادية وندهن ايد الشمال زيت  واليمن  معلقة صغيره في ربع كوب زيت  هضغط وأنزل في الزيت أو ممكن في كيس حلواني  واعمل ثقب واضغط واقطع بمقص أو ماكينه الالزلابيا 
إيمان شلبي

خبيرة التجميل غاده ذكى تتالق فى احدث سيشن لها فى عالم الفاشون والجمال!

خبيره التجميل غاده ذكى تتألق فى أحداث سيشن لها فى عالم الفاشون والجمال 

كتب/حمدى محمد

تتألق خبيره التجميل المتميزه للغايه غاده ذكى فى أحداث سيشن لها فى عالم الفاشون والجمال مكياج هادئ وملاح جميله بأنامل خبيره التجميل غاده ذكى فى احداث جلسات تصويرها مع الموديل المتالقه مايا تطمح غاده ذكى فى أن تصبح من أشهر وأفضل خبراء التجميل فى العالم العربى والشرق الأوسط باكلمه .

ذكرى لاتموت لمنى فتح الله

كتبت/ منى فتح الله

ذكرى لاتموت ابى ظللت ابحث عن كلمات اوصفك ملقتش غير كلمة انت نبض قلبى ولا استطيع ان اعيش بدون قلب ينبض ليتك بجانبى الان فقد كنت لى خير سند وخير صديق وخير اب لولاك يا ابى ما كنت انا فانا قطعة منك ومن امى ولاكن الله سبحانه وتعالى قدر لنا ان نفترق وان تذهب انت الى مكان افضل من هذه الدنيا التى نعيش فيها فكلنا ذاهبون منها فقط لكل شخص فينا ميعاد الرحيل عن هذه الدنيا فا الحياه اصبحت مظلمة بعد رحيلك فانت كنت النور الذى يضيء حياتى وانت الامان الذى اشعر به وانت نبض قلبى وانت الروح فاصبحت يا ابى بعد رحيلك جسد بلا روح وحياه بلا طعم فانت العشق الى اللقاء يا ابى فى جنه الخلد. واخيرا لن انساك يا ابى فستظل ذكرى فى حياتى لن تموت اهداء الى ابى

خبيره التجميل أمانى خليفه تبدع فى سيشن جديده لها فى عالم الفاشون والجمال

خبيره التجميل أمانى خليفه تبدع فى سيشن جديده لها فى عالم الفاشون والجمال

كتب حمدى محمد

تتالق خبيرة التجميل أمانى خليفة فى سيشن جديد لها فى عالم الفاشون والجمال

يذكر ان امانى خليفة خبيرة التجميل عملت عدد من السيشنات المتنوعه وااناجحه والمميزه فى عالم التجميل والجمال

وتعشق امانى خليفة هذا المجال بدرجه كبيره وتأمل انا تنال اعجاب جماهيرها ومحبينها فى هذا المجال

كن ذا اثر

كن ذا اثر
كتبت/منى فتح الله

الابد قبل ان نرحل عن هذا العالم ا ن نترك شئ يذكر العالم بنا سواء علم ينتفع به مثل ما ترك الدكتور احمد زويل مخترع علم الذزة و الدكتور ابراهيم الفقى خبير فى التنميه البشريه وله العديد من الكتب اوعلم دينى مثل الشيخ الشعرواى فى التفسير للقران الكريم فلا بد ان نعيش. فى هذا العالم لهدف فلانضيع وقتنا فى لا شئ فنجد العمر يمر ونرحل عن هذا العالم بدون اثر بل لابد ان نترك للعالم كله اثر يذكرهم بنا .

طرق الحفاظ على صحة الشعر

            طرق الحفاظ على صحة الشعر






كتبت/دينامحمود

الحفاظ على صحة الشعر
 تسعى النساء للمحافظة على شعرهن صحيّاً لامعاً دون مشاكل، فنتيجة تقلّبات الطقس قد يُصاب الشعر بالتلف أو الجفاف، ممّا يؤدي إلى تساقطه وتكسّره، كما وأن الأساليب الخاطئة المتّبعة في غسيل الشعر وتجفيفه يمكن أن تؤدّي إلى تلف الشعر، وعدم نموّه بطريقة طبيعيّة، ولذلك فإنّ على المرأة أن تولي عناية خاصّة بشعرها للمحافظة على صحته وحيويته.


طرق الحفاظ على صحة الشعر
 اختيار نوع الشامبو المناسب للشعر،
 مع مراعاة عدم تغيير نوع الشامبو المُستخدم إلا بعد مُضي ستة أشهر.
 غسل الشعر بالماء الفاتر والابتعاد عن الماء الساخن، ويعود ذلك إلى أنّ الماء الساخن يجفّف الشعر ويؤدي إلى تقصفه وتكسره. 
استخدام حمام الزيت المناسب مرتين أسبوعيّاً.
 الابتعاد عن تعرّض الشعر لأشعة الشمس المباشرة، والتي تضعف الليفة الشعريّة. 
عدم الإفراط في استخدام مجفّفات الشعر المختلفة، مع مراعاة خفض درجة حرارة مجفّف الشعر عند استعماله على الشعر. 
الابتعاد عن تعريض الشعر للماء المالح أثناء السباحة؛ حتى لا يؤدي إلى جفافه وتلفه. غسل الشعر مرتين إلى ثلاث مرات في الأسبوع. 
الابتعاد بقدر الإمكان عن تعريض الشعر للمواد الكيميائيّة الموجودة في الصبغات وفرد الشعر، وتُعتبر الصبغات الخالية من الأمونيا هي الأفضل للشعر. 
ضرورة تشذيب الشعر كل ستة أسابيع. اتّباع نظام غذائيّ صحي، وخاصة الأطعمة التي تحتوي على أحماض الأوميجا3 وفيتامين أ والبروتينات، ومن تلك الأطعمة المغذّية للشعر السمك والمكسّرات بأنواعها والخضار ذات الأوراق الخضراء. 
عدم تسريح الشعر وهو مبلول، حيث تكون الشعرة المبللة أكثر رقة من الشعرة الجافّة، وبالتالي يسهل تكسّرها. 
المواظبة على ترطيب الشعر من خلال الزيوت الخاصّة بالشعر مثل زيت جوز الهند، وزيت الزيتون، وزيت الجرجير، وغيرها. 
تمشيط الشعر من الأسفل إلى الأعلى بهدوء ولطف.

استخدامات جمالية للفازلين

استخدامات جمالية للفازلين 

كتبت/دينامحمود

استخدميه لترتيب شعيرات الحاجب المتطايرة غير المنظّمة، وذلك عن طريق غمس قطعة قطنية في الفازلين، ومن ثمّ دهن الحاجب بها. ضعي مسحة من الفازلين بالقرب من جذور الرموش قبل النوم وبشكل يومي، ستلاحظين أنّها أصبحت أكثر كثافة بعد أيام قليلة. ادهني بشرة الكوع أو الرُكبة أو الكعب بالفازلين، ثمّ غطّيها بأقمشة قطنية كالجوارب أو الأكمام طوال الليل، كرري العملية بشكل يومي لتحصلي على بشرة ناعمة في وقت قصير. ادهني معصم يدك أو رقبتك أو مفصل الكوع بالفازلين، ثمّ رشّي العطر، ستلاحظين أنّ رائحته بقيت لمدّة أطول. ضعي طبقة من الفازلين على بشرتك عند إزالتك للشعر الزائد مباشرة، وذلك لتنعيمها والتقليل من تهيّجها واحمرارها. ادهني الفازلين على إصبعك حول الظفر، فهو يعالج الجلد المتصلّب حوله. ادهني وجهكِ بالفازلين، ثمّ اغسليه جيداً بالماء، وذلك لإزالة المكياج. أضيفي بعضاً من الملح إلى الفازلين، ودلّكي بشرتكِ به، ثمّ اغسليها بالماء، ستلاحظين أنّكِ حصلت على بشرة ناعمة، فهذه الخلطة تعمل كمقشّر طبيعي للجسم.

ياصغيرى كتبت منى فتح الله

ياصغيرى كتبت منى فتح الله

كتبت/منى فتح الله

كم تمنيت ودعوت الله كثيرا ان يرزقنى بطفل فرزقنى الله بك انت يا اجمل ما رات عينى ظللت اخاف عليك منذ ولدت وكنت لا انام الليل واظل انظر الى وجهك الملائكى وانتظرت الايام والشهور وانت تكبر امام عينى كنت اشتاق لسماع صوتك وعندما نطق لسانك بكلمه ماما كان ذلك اسعد يوم فى حياتى اعشق نبرة صوتك الجميل واعشق لمسه يدك وحضنك ادعو الله ان يحفظك ويزيد فى عمرك يا صغيرى لوكان عمرى بيدى لاخذ منه واعطيته لك اتمنى من الله ان تسعد فى حياتك وتحقق كل ما تتمناه لولا وجودك فى حياتى ما احسست بالسعادة ادامك الله لى يا صغيرى