طريقه عمل الكشرى الرهيب بالصلصه والدقه مقدم من الشيف المبدعه ايمان حمزه

           الكشرى الرهيب بالصلصه والدقه

مقدمه من: ايمان حمزه
مده التحضير:15دقيقه
مده الطهي:40دقيقه 
المكونات:2كوب ارز
مكرونه اسباجيتى ومكرونه مقصوصه
عصير طماطم /توم /شطه/بصل /
1/4كيلو عدس بجبه
1/4كيلو شعرية محمره

لسلق المكرونه: في حله على فيها ميه بتغلى ضيفى نص معلقه صغيره ملح والقليل من الزيت ثم نضيف المكرونه تاخد غلوتين قومى بتصفيتها
وفي حله على النار ضعى الزيت يسخن وقليل من الملح والفلفل ثم ضيفي المكرونه وبعدين اطفى النار
لعمل ارز الكشرى: في حله على النار ضعى الزيت وعليه بصله مقطعه شرائح وشوحيها ثم انزلى بالعدس (العدس منقوع من بالليل)وزوديه شويه ميه ياخد غلوتين ثم ضيفي الارز والشعريه المحمرة وضيفى الميه والملح وغطى عليه لحد ما يغلى نهدى النار لحد ما يستوى
لعمل صلصه الكشرى:ضعى الزيت في الحله وننزل عليه بالتوم ثم الصلصه وعصير الطماطم واتركيه يغلي ثم ضعي الملح والشطه والكمون
لعمل الدقه على البارد:2معلقه توم مفروم
كمون/ملح
كوب ماء
1/2كوب خل/عصير ليمون
امزجي في بوله التوم مع الكمون والملح وعصير الليمون والخل والميه وبعدين صبيهم في ازازه
اغرفى الكشرى وزينيه بالبصل والحمص والعيش المحمر
وبالهنا والشفا