طريقه عمل بيتزا بالتونه ❤وبيتزا مارجريتا مقدمه من الشيف المبدع أسلام عصفور

بيتزا بالتونه ❤وبيتزا مارجريتامقدمه من إسلام عصفور
مده التحضير حوالى ساعه
مده الطهى من 7 إلى 10 دقائق

المكونات 

العجينه
3 كوب دقيق كيس خميره فوريه
2 معلقة كبيره لبن بودره
معلقة صغيره ملح
2 معلقه كبيره زيت زيتون أو عادى
حليب دافى للعجن
جبنه موتزريلا

الصلصة 

كوب صلصه جاهزه 
معلقه كبيره بصل بودره /معلقه كبيره توم بودره 
معلقه زعتر /معلقه صغيره ملح

الطريقه 

نخلط الدقيق واللبن البودرة والخميره والملح ونعجن بالحليب لما العجينه تلم معانا نضيف الزيت ونعجن لما العجينه تبقى ناعمه 
ونغطيها تخمر 
ونقلب مكونات الصلصة ونخفها بشويه ميه صغيره ونقلبها كويس 
ونقسم العجينه ونفردها فى صوانى مدهونه زيت بسيط ونسيبها 5 دقايق ترتاح ونخرمها بالشوكه ونضع الصلصة وعليها الجبنه الموتزريلا 
بس تكون كتييييير (بالنسبه للمارجريتا) لأنها بتعتمد على الجبنه بس
ورشه زعتر ناشف واضافه زعتر أخضر (اختيارى) وندخلها الفرن على نار متوسطه لما القعر يتحمر نولع الشوايه الجبنه تسيح وتاخد لون بسيط ونطلعها

وبيتزا التونه نضع الصلصة ورشه جبنه موتزريلا وحلقات طماطم وفلفل أخضر ونضع التونه ورشه زعتر
وندخلها الفرن على الرف قبل الأخير من تحت على نار متوسطة لما القعر يتحمر نضيف الجبنه الموتزريلا وندخلها الفرن الجبنه تسيح ونطلعها
المقادير دى عملت 3 بيتزا كبيره