اسم الوصفه :مكرونه بشاميل
مقدمه من :أميره عبد الصمد
مده التحضير :10دقائق
مده الطهي : 60دقيقه
المقادير
2 طبق كبير مكرونه قلم
ماء مغلي
ملح
ورشة زيت للسلق
مقادير عصاج اللحمه
بصلة كبيره مبشوره
سمنه
وزيت للتشويح
لحمه مفرومه حوالي ربع كيلو أو أقل تقريبا
عصير طماطم بأقل كميه
مايه أثناء الخلط في الخلاط
ملح
فلفل اسود
مرقه
مقادير عجينه البشاميل
معلقتين سمنه كبار
ملح
5 معالق كبار دقيق
حوالي 3 كوب ونصف حليب
علي مايه أو حليب علي شوربه
براحتك لو حابه كلهم حليب طبعا عادى
بيضه وحده
معلقة نشا
معلقة عصير طماطم
سمنه للوجه
الطريقه/
بغلي الماءمع الملح والزيت وأول ما تغلي
ننزل بالمكرونه مع التقليب حتى لا تلتصق
ببعضها البعض وتقلب من حين لآخر
بتاخد بالظبط 10 دقايق من بعد اضافه المكرونه
وأول ما تغلي نحسب الوقت
ثم تصفي من الماء الزياده وترش بقليل من الماء
البارد وتفرغ في صنيه حتى لا يلتصقو ببعض
وتترك جانبا
لتجهيز عصاج اللحمه
نشوح البصله المبشوره ونشوحها مع السمنه وبابريكا وأول ما تصفر ننزل باللحمه ونشوحهم مع بعض كويس وننزل بعصير الطماطم والمرقه ونظبط الملح وتترك عالنار تتسبك ويتقل قوامها
وتترك جانبا لتبرد
لتجهيز عجينه البشاميل
نشوح الدقيق بعد وضع السمنه والملح وتقلب حتى تاخد اللون الدهبى وريحة الدقيق تظهر ننزل عليه باللبن ويكون ساقع ونقلب بمضرب سلك يدوى بشرط التقليب يكون بعيد عن النار عشان ميكونش في تكتلات ونضيف النشا ونقلب ونرجعها تانى عالنار حتى يستوي
ويترك جانبا ليبرد ثم ننزل عليه بالبيضه وتقلب كويس ونظبط الملح
ندهن الصنيه المستطيله الكبيره وناخد قليل من عجينة البشاميل وندهن بيه قاع الصنيه
وناخد من العحينه ونضعهم علي قليل من المكرونه في طبق خارجى ونقلبهم جيدا ونرصهم في الصنيه وننزل عليهم بعصاج اللحمه بحيث نوزعه علي طبقة المكرونه كلها وهكذا نرص طبقه تانيه من المكرونه فوق اللحمه وآخر حاجه نضع باقي العحينه المضاف لها معلقة عصير الطماطم وده بقي سر اللون الجميل ده ونساويها جيدا باليد حتي تغطى كل حبات المكرونه ونرش عالوش سمنه أو زبده
وندخلها فرن متسخنه قبلها علي نار هاديه يعنى الأول تشغل الشوايه عشان الوش ياخد اللون الدهبى ونطفي عشنا مش تنشف ونشغل الفرن حتى تحمر من الجناب كده تكون تمام
ويفضل انك تغطيها بعد ما تطفي الفرن خالص عشنا تفضل طريه وتقدم والف هنا
ليست هناك تعليقات:
إرسال تعليق