المقدار على حسب حجم الطاجن
الكبد والقوانص تتغسل بماء مع كمون وعصير ليمونة وتصفى وتقطع مكعبات
بماء مغلي يستوى
وتتبل يالملح مع رشة فلفل خفيف و ملعقة زبدة سايحة
كبد وقوانص ممكن تلفيها فى طاسة مع قليل من الزبد والملح والفلفل
تضعى مقدار بسيط جدا من الارز فى قاع الطاجن
بعد كده بتضعى كبد وقوانص وتكملى باقى مقدار الارز بحيث يكون المساحة المتبقية الخالية على سطح الطاجن ما يعادل عقلة اصبع او اكثر بقليل
بالنسبة للملح انا احب انى اضيفة على اللبن وتعملى حساب الملح انه بيكفى ﻻكساب الارز الطعم الكافى
تضيفى اللبن ولو كان اللبن جاموسى كثيف بتخفيه بمقدار ربع لتر ماء على لتر اللبن عشان هيديكى لون غامق ازيد من المطلوب
يدخل فرن حرارته عاليه بحيث يكون اللهب المباشر بعيد عن السطح وايضا بعيد عن القاع
لما يشرب اللبن ويكتسب اللون المطلوب بتخرجيه وتضيفى قطع الزبد على السطح وتعملى فتحات صغيرة بسن المعلقة عشان الرز يشرب الزبدة
وترجعيه الفرن تانى وتهدى الحرارة شوية وتتركيه لمدة من 10 ل 15 دقيقة عشان يتم سواه وممكن تطفي الفرن خالص وتغطيه بقطعة فويل وتتركيه بالفرن يفضل سخن ويستوى للدرجة المرغوب بها
بالف هنا😍😍
ليست هناك تعليقات:
إرسال تعليق