المقادير
كيلو تين برشومي
كيلو فراوله
كيلو برتقال
طبعا دلوقتي احنا معندناش فراوله ولا برتقال نعم انا مفرزات في الفريزر
اول حاجه هنبدا بمربي التين
كيلو التين غسلته كويس جدا
وبعد كده قشرته وقطعته نظام حلقات
وجبت معلقتين سكر حطيت بين كلر اوراق من التين في الحله رشه من السكر
وبعد كده سبتهم ليله كامله في الثلاجه وبعد كده طلعتها اخذت الميه بتاعه تين وحطيت عليها كوبايتين سكر بمقدار نصف كيلو وحطيتها على النار مع التقليب المستمر لمده 25 دقيقه تطلع معاك مربى التين احلى مربى
بالنسبه ل مربى الفراوله
جبنه الفراوله كيلو الفراوله نظفنا كويس وغسلنا كويس جدا وبعد كده قطعنا نظام شرائح او مكعبات صغيره وبعد كده حطيت عليه كوبايتين سكر بمقدار نصف كيلو برده وحطيته في الثلاجه وثاني يوم على طول عملتها حطيتها في الحله اخذت غلوه ورجعت ضفت عليها عصير ليمونه واحده وقعدت لمده 25 دقيقه وسبتها بردت وبعد كده تعبئه برطمان وتحطيها في الثلاجه
بالنسبه ل مربى البرتقال
كيلو البرتقال بقشره كويس و ناخد منه الفيليه بس بتاع البرتقال وبعد كده نضيف عليه كوبايتين سكر بمقدار نصف كيلو ونحط عليه عصير ليمونه واحده ونشيله في الثلاجه برده ليله كامله وبعد كده نحطه على النار لمده 25 دقيقه ونسيبه يبرد وبعد كده دخله في بولاق او في برطمان في الثلاجه و احلى سندوتشات لاولادنا ان شاء الله حاجه نظيفه ومضمونه من البيت وشكرا للجميع وشكرا للمطبخ اخبار العرب بالتوفيق للجميع ان شاء الله وشكرا للاستاذ حمدي
ليست هناك تعليقات:
إرسال تعليق