كتبت نوشة شحاته
مساءالهنا والسعادة علي حضراتكوا النهاردة عمللكوا اكلة مابيختلفش عليها اتنين انما عملتها بشكل جديد ومختلف هي الرز المعمر بس في ثمرة قرع العسل بدل الطاجن لمزيد من القيمة الغذائية لماتحتوية هذة الثمرة علي اقوي مضادات حيوية وانا شرحت قبل كدة قيمتها الغذائية العالية وعملتها باكثر من وصفة وعملت كمان الملوخية والفراخ المشوية بطريقة سهلة
اولا عملت الرز المعمر بطريقتين ودة انا مبيناة في الصورة نقول بسم الله ونبدأ في شرح وصفاتنا اللي بتمني انها تعجب حضراتكوا
اولا الرز المعمر انا هنا استبدلت الطاجن بثمرة قرع العسل قسمت الثمرة اثنين ونضفتها كويس وغسلتها ونشفتها ونقعت كوبيتين رز بسمتي لمدة نصف ساعة بعد كدة غليت لتر من اللبن وضفتة على الرز وننزل بالملح وظبطه وضفت معلقة صغيرة سكر ومعلقتين كبار زبدة ويفضل انها تكون بلدي وقلبت المكونات وضفت نصف كمية الرز في نص الثمرة الاولى وغطتها باللبن والزبدة وتركتها وجبت النصف الثاني نزلت بالرز وباقي اللبن وضفت قطع من السوسيس المدخن وقلبتهم مع بعض وبعد كدة ضفت لكل ثمرة معلقة كبيرة قشطة على الوش ودخلتها تحت الشواية لحد ماتاخد لون الوش وبعد كدة اطفي الشواية واولع الفرن العادي علي درجة حرارة ٢٨٠ واغطيهم بفويل واتركهم حوالي ساعة وربع الي ان تنضج الثمرة والرز وبالف هنا وشفا
اما الفراخ المشوية بنتبلها قبلها بليلة كاملة بملح وفلفل وببريكا وتوم بودر وبصل بودر من كل حاجة نصف معلقة وبنضيف معلقة صغيرة مستردة ومعلقتين كبار زبادي ولمونة وبشر طماطماية ومعلقة زيت زيتون نقلب المكونات علي الفراخ بتاعتنا ونغطيها وندخلها التلاجة ليلة كاملة ذي ماقولنا وبعد كدة نشويها باي طريقة نفضلها علي الفحم علي الجريل في الفرن ذي ماتحبي وبالف هنا وشفا
اما الملوخية فانا هقولها لبناتي اللي لسة بيتعلموا الطبخ بعد ما نخرط الملوخية لكل نصف كيلو ملوخية كوبيتين شوربة ومعلقة صغيرة توم ني واول ماتغلي الشربة انزل بالملوخيةوعليها ومعلقة التوم الني واقلب دقيقة واكون محضرة معلقة سمن وانزل بالثوم المفروم مع الكسبرة الناشفة لاضافة طعم اروع للملوخيه واقلب لحد مااحصل علي اللون الذهبي وانزل بيهم علي الملوخية وكدة بتكون عندي جاهزة والف هنا وشفا على قلوبكم ❤️
#للطبخ_ابداع
#طبق_من_اطباقي
#الشيف_سماح_عطية
ليست هناك تعليقات:
إرسال تعليق