الكوارع والفتة
المكونات كوارع بتلو او كوارع عجالي حسب رغبتك
فصوص حبهان *مستكة*ورق لورا*توم مفروم *سمنة*ملح وفلفل *بصلة
لعمل الفتة
أرز *عيش بلدي * سمنة
لعمل الصلصة طماطم معصورة فريش *توم مفروم*خل*ملح وفلفل
الطريقة
لعمل الكوارع تغسل جيدا وتنضف من اي شوائب
في قدر علي النار بعد غلي الماء تضاف الكوارع تغلي ثم تصفي من الماء للتأكد من عدم وجود أي زفارة أو ريم
بعد ذلك نضع مياة جديدة نضع فيها البصلة تغلي الماء نضع فيها الكوارع والحبهان والمستكة وورق اللورا ونغطيها قبل ما تطفي عليها نعملها طشة التوم سمنة ونشوح التوم وننزل بيه علي الشوربة تغلي
لعمل الفتة نعمل الرز بالطريقة المعروفة ونقوم بتقطيع العيش ونضع عليه سمنة ونقلبه ونحمره في الفرن
لعمل الصلصة في قدر علي النار نشوح التوم مع السمنة حتي يصفر ننزل معلقة خل و بعدين الطماطم الفريش تتسبك ممكن لو تخينة نضيف شوية من شوربة الكوارع ونبهرها بالملح والفلفل
يوضع العيش في سرفيس التقديم وعليه شوية رز ونسقيه الشوربة ونقلب كويس بعدين نضيف باقي الرز حتي نغطي الوجه تماما ونزوق الطبق بالصلصة
وصحتين وهنا
ليست هناك تعليقات:
إرسال تعليق