تحياتي للجميع
هريسه
#المقادير
٤٠٠جرام سميد
١٠٠جرام سمنه سايحه ولو بلدي تكون افضل
٢٠٠ جرام سكر
١٥٠جرام حليب
٧٥جرام جوز هند
١٠٠جرام عسل جلوكوز او عسل تقيل او عسل نحل
رشه فانيليا
#الطريقه
على النار اللبن والسكر والعسل لحد ما يغلو
وفي حله السميد والسمنه وجوز الهند والفانيليا
نقلب عليهم اللبن والعسل والسكر بعد مايغلو ونقلب بمعلقه كام تقليبه هتبرد نديها لفتين بصوابعنا كأننا بنضرب كيكه وخلاص وندهن الصينيه ال٢٥ سمنه ونحط الخليط ونبل ايدينا ميه ونبطط نساوي الوش ونكون مولعين فرن البوتجاز من عشر دقايق ندخلها على النار اللي تحت بس لحد ماتتحمر تطلع تخد شربات خفيف دافي او سخن ولو الفرن درجات هنخبز على ٢٠٠
مقدار الشربات كبايتين ميه وكبايه وربع سكر ومعلقه عسل جلوكوز ورشه فانيليا ومعلقه سمنه بلدي ان وجد
وبعد مايغلو رشه بترتوفه صوباعنا ملح ليمون او عصر نص ليمونه ونوطي النار خمس دقايق ونطفي
واول مانسقي هنلاقي الشربات بينزل تحت على طول نديها لحد مانلاقي الشربات هيركن على الوش يبقى كده تمام ونسبها تشرب وتهدى شويه والف هنا
متنسوش تدعولي
#اخوكم
#ابوعبدالله
ليست هناك تعليقات:
إرسال تعليق