مدة التحضير 15 دقيقه
مدة الطهي 20 دقيقه
المكونات
صدور فراخ هنقسم كل واحد لاتنين وابدا ادق عليهم بمضرب البوفتيك 👍
ونجهز التتبيلة ( كوب زبادى + نص كوب ماء + م ك خل + م ص ملح + م ص بابريكا + نص م ص كركم + م ص ثوم بودر + م ص بصل بودر + ٢ مكعب مرقة + نص م ص فلفل )
هنسيب الفراخ فى التتبيلة لمدة ٣ ساعات او اكتر لو امكن
وهنجهز طبق هنحط فيه خليط القلى المكون من ☄
( كوب دقيق + نص كوب نشا + م ص ثوم بودر + م ص بصل بودر + م ص فلفل + م ص بابريكا + م ص ملح + م ك بيكنج بودر )✌✌
هناخد الصدور نغطسها فى خليط القلى كويس جدا على الجانبين ونقليها فى زيت متوسط الحرارة لحد ماتاخد لون دهبى نطلعها ونحطها فى مصفاه😍
بعد كده التركة اللى فرقت فى القرمشة الجبارة هندخل الصدور على شبكة فرن ١٨٠ لمدة ٢٠ دقيقة 👌👌
نجهز بقى الساندوتش بالترتيب كده هحط كاتشب وخس والفراخ وشريحة طماطم ومايونيز ويتقدم وبالهنا والشفا♥️
مراجعة
اميرة صيام
ليست هناك تعليقات:
إرسال تعليق