الكيك السريعه مقدمه من الشيف المتألقه رشا الملاحي

🥀السلام عليكم ورحمه الله وبركاته🥀

هنقدم كدا حاجه خفيفه معاكم الكيك سريع التحضير
مقدمه من الشيف المتألقه رشا الملاحي

المكونات :
              ٢ ك دقيق
              ٤ بيضه متوسطه
              ١ م/ك لبن بودر اختياري
              ا م/ك بيكنج بودر
              ١ كيس فانيليا
             ٣/٤ ك زيت
             ٣/٤ ك لبن
             ٣/٤ ك سكر خشن
             ١ م/ك خل
             ذره ملح
              بشر برتقال او يوسفي او ليمون
الطريقه :
            نحضر وعاء ونضرب البيض مع السكر وذره الملح وبشر البرتقال والفانيليا و٢ ملعقه دقيق دقيقتين .... ثم ملعقه الخل .....و نضيف الزيت والضرب شغال وبعدها نضيف البيكنج بودرعلي باقي الدقيق ونستمر ف الضرب وبعدها نضيف اللبن والي ان يمتزج الخليط ويوضع ف فرن ساخن مسبقا
درجه حراره ١٨٠
تاخذ ٤٠ ق في الفرن
وتقدم بالهنا               رشا الملاحي

كيك التين مقدمه من الشيف المتألق حسن كمال حسين

كيكة التين مقدم من الشيف/حسن كمال حسين مدة التحضير20دقيقة ومدة الطهى25دقيقة

مقادير كيكة التين

٢⁄٣ كوب سميد
١⁄٢ كوب تين مجفف، مفروم
١⁄٤ كوب سمن، سائح أو زيت
٣ ملعقة كبيرة عسل
٢ برتقال، مبروش ومعصور                                                       ربع كوب زبيب
٣ ملعقة كبيرة ماء
قشر حامض مبشور

طريقة
١. يخلط السمن والعسل وبرش وعصير البرتقال وبرش الليمون والماء.

٢. يخلط السميد والزبيب والتين ويبلل بربع كوب ماء ويقلب.

٣. يضاف خليط السميد إلي خليط السمن ويقلب الجميع جيداً.

٤. يصب في صينيه مدهونة بالزيت أو السمن.

٥. توضع في الفرن بعد تركها قليلا حتي تهدأ العجينة.

٦. تترك حتي تبرد وتقطع وبالهنا والشفا

اللازنيا مقدمه من الشيف المتميزة ابتسام حسين

اللازانياااا
مقدمه من/ شيف ابتسام حسين
مده التحضير /٣٠ دقيقه
مده الطهي /٣٠ دقيقه
المكونات/ علبه لازانيا ..لحمه معصجه ..٢ ك لبن جاموسي..كوب دقيق..مرقه دجاج..ملح وفلفل اسمر..٣ م لبن بودر...٣ م سمن بلدي..جبنه رومي ...جبنه شيدر او موتزريلاا ..
الطريقه/ نعمل البشاميل بضرب الدقيق مع اللبن البودر والماجي والملح والفلفل مع كوب  ماء او شوربه وننزل بيهم ع اللبن ع النار مع التقليب ونضع السمن وقطع الجبنه الرومي ونطفي ماتكونش تخينه ولا خفيفه ونحضر صنيه مناسبه ونضع معلقه سمن ونضع مغرفه بشاميل ونرص اللازانيا وعليها بشاميل ولحمه معصجه وطبقه تاني لازانيا وبشاميل ولحمه معصجه وكذالك لحد ماتخلص الكميه وفالاخر تكون طبقه بشاميل وعلي الوش جبنه شيدر او موتزريلا وتدخل فرن ع ١٨٠ درجه حوالي نص ساعه والف هنااااا

معموله بالملبن مقدم من الشيف المتميز حسين ابو زيد

مين هيدعيلنا من قلبه
معمولةبالملبن
مقدم من الشيف المبدع حسين ابو زيد
مدة التحضير ١٥دقيقه
مده التخمير عشر دقايق
مده الخبيز ١٠ دقايق
#المقادير
&كيلو دقيق ونص كيلوسمنه ومعلقه سكر كبيرة ومعلقه صغيرةخميرة و٣٥٠جرام ماء اولبن وتتعجن كويس ونقطع ونحشي ملبن ونكور ونكبس بمكبس المعمولة اونبططها بأدينا ونشوكها بشوكه ونرص في الصاج ونسبها تخمرشويه ونخبزعلى نار هاديه٢٠٠درجه وبألف هنا

طاجن المكرونه باللحمه المفرومه مقدم من الشيف المبدعه هناء فهمي

طاجن المكرونة باللحمة المفرومة
زى بتاع محلات الكشري
مقدمة من الشيف  :  هناء فهمي
مدة التحضير        : 15 دقيقة
مدة الطهي           : 30 دقيقة

1 كيس مكرونة قلم
 لحمة مفرومة معصجة علي حسب الرغبة
2 بصلة كبيرة مقطعة قطع صغيرة
3 ثمرة طماطم مقطعة قطع صغيرة للحمة
1 ملعقة كبيرة ثوم مفروم
1 ملعقة كبيرة صلصة طماطم
نص كيلو طماطم مضروب في الخلاط
فلفل الوان قطع علي حسب الرغبة
فلفل حار قطع علي حسب الرغبة
1 كوب ماء مغلي
ربع كوب زيت
فلفل اسود
ورق لوري مطحون
جوزة الطيب مطحون
ملح

1 ــ يوضع شوية زيت في حلة ثم نص كمية البصل ثوم والتقليب جيدااا حتي يدبل ثم يوضع  الطماطم المقطعة ثم يوض اللحمة المفرومة وتعصج  وأخيرا نضع الفلفل الالوان ونضع الملح والتوابل وتقلب حتى يتشرب اللحم الماء وترفع من على النار وتترك علي جنب
2 ــ يوضع في حلة شوية زيت ثم البصل والثوم ويدبل ويقلب ثم يوضع عصير الطماطم وملعقة صلصة ويترك حتي الغليان ثم يوضع كوب الماء المغلي وتترك الصلصة حتي الغليان قليلا ونطفي النار
3 ــ ثم يوضع الملح والتوابل ويترك لحين الاستعماب نحضر طاجن او صينية او قالب كيك ثم ندهن القالب بالزيت ثم يوضع اللحم المفروم المعصج ثم يوضع المكرونة النية من الكيس زى ماهى ناشفة ثم يوضع صوص الطماطم
4 ــ  ونراعي أن يكون صوص الطماطم  يادوب مغطياها او متساوي معاها ويكون في مسافة في ارتفاع الصينية لاان المكرونة هتزيد ونغطيها بورقة فويل وتدخل الفرن على درجة حرارة 200 لمدة نصف ساعة
5 ــ بعد التسوية تخرج من الفرن ونسيبها تهدي شوية وبسكية نمشيها داير حولين الصينية وبعدين نقلبها فى سرفيس
6 ــ ملحوظة مهمة
## اللحمة المفرومة علي حسب الرغبة انا عملت نص كيلو
## لازم صوص الطماطم يبقي خفيف بوضع كوب الماء المغلي في الاخر ودية مرحلة مهمة جدا
## اوعي تقلبي المكرونة وهي سخنة اوي لازم تهدي
## ممكن نعمل طاجن المكرونة بالفراخ بنفس الطريقة
تحياتي الشيف هناء فهمي

ناجتس الدجاج مقدم من الشيف المبدعه رشا الملاحي

السلام عليكم ورحمه الله وبركاته
الفراخ الناجتس
مقدمه من الشيف المتميزة رشا الملاحي

مدة التحضير 10
مدة الطهي 10دقائق
المقادير :
          ٢صدر فرخه مفرومين او اوراك
          ١/٢ م/ص فلفل أسود
          ١/٢ م/ص زنجبيل
           ١  م/ص ثوم بودر
           ١  م/ص بصل بودر
          ١/٢ م/ص ملح  (حسب الرغبة)
          ١/٢ م/ص ببريكا
           ١  م/ك   لبن بودر  لو متوفر واختياري مش اساسي
           ٢  م/ك   نشا

الطريقة :
           نفرم الفراخ ف الخلاط او الكبه او المطحنه المتوفر لان الفراخ نعمه فسهلت الفرم  ونضيف عليها البهارات واللبن والنشا ونتركها ١٠ق ف الثلاجة لتتماسك .
للتغليف :
           كورن فليكس او خلطه فراخ بانيه

وناخذ العجينه ونضعها بين كيسين ونفردها ونبلل القاعات بالماء ونقطعها او الكبايه المتاح والمتوفر

ونضعها ف الكورن فيلكس وتوضع ف اكياس ف الفريزر لحين الاستخدام ..   تقلي ف الزيت وتقدم ف الساندويتشات مع الكاتشب  او مع مكرونه بالصلصه الحمرا .
مدة التحضير : ١٠ق
القلي  : ١٠ق

وصفة الكنتاكي مقدمه من الشيف المبدعه هاجر فتحي

الكنتاكي الفظييع الرررهييييب
مقدم من الشيف هاجر فتحي
مدة التحضير يوم كامل
مدة الطهي 30دقيق

المكونات
فرخه متقطعه 8
دبابيس
لبن رايب
توابل...بابريكا..ملح..فلفل...بصل وتوم بودر..كاري
توم
مرقة ماجي
دقيق
نشا

الطريقه
بحط اللبن رايب  وشوية دقيق صغيرين وعليه الماجي و التوابل كلها وادوبها واقلبها كويس واحط فيها الفراخ  وسيبتها من بليل لتاني يوم  وقبل القلي  عملت خلطه
دقيق وعليه كل التوابل اللي حتطها ع الفراخ وبقيت اخد من  الخليط ع الدقيق ع الزيت سخن غزير  5دقايق ع العالي وبعد كده اوطي النار عشان تستوي من جوه وبالهنا والشفا
ولا اروع

وبعمل سلطه خفيفه شبيه الكول سلو لو معندكيش كرنب اتصرفي...
جزر مبشور وعليه مايونيز وخل وسكر وشوية لبن بتبقي روعه

وصفة البصارة مقدمه من الشيف المبدعه كريمه علي

مقدم من/كريمة علي .
مده التحضير/10دقايق .
مده الطهي / 15 دقيقه.
اسم الوصفة البصارة
المقادير .
😍😍😍
2 كوب فول مدشوش
½ حزمة بقدونس
½ حزمة كسبرة خضراء
½ حزمة شبت
10 فص ثوم
بصلة مقطعة
ملعقة كبيرة نعناع جاف مفروك ناعم جداً
لتر ماء
بصلة مبشورة و محمرة مقرمشة مثل بصل الكشرى لزينة الوجه
4 ملاعق سمن أو زبد لتحمير البصلة.
الطريقة
😍😍😍
فى إناء يوضع الفول و البصلة المقطعة و الشبت و البقدونس و الكسبرة و فصوص الثوم و لتر الماء و يوضع على النار حتى تمام نضج الفول
يرفع من النار و تضاف ملعقة النعناع و يترك ليبرد تماماً ثم يوضع بالخلاط و يفرم ناعم جداً
و يترك جانباً
فى إناء توضع بصلة مبشورة و تحمر ثم يؤخذ جزء منها لزينة الوجه
توضع محتويات الخلاط فوق باقى البصلة و تقلب حتى تغلى و تصبح غليظة القوام
تترك لتبرد ثم تصب بالأطباق و تزين بالبصل المقرمش وورق الكسبرة وكمانممكن يقدم معه باذنجان بالله والتوم وباذنجان مثلي مملح.
بألف هنا

جماج باللبن مقدم من الشيف المتميزه حنان ابو مصطفي

السلام عليكم ورحمة الله وبركاته
اقدم لكم جماج بلبن لزوم اطفالنا والمدرسة
مقدم من حنان ابو مصطفى
مدة اتحضير ربع ساعه
مدة التخمير ساعه

المقادير

٣ كيلو دقيق فاخر
١ كيلو حليب .فانيليا
كيس خميره فوريه
معلقه كبيره سمسم
ربع كوب سكر نصف معلقه صغيره ملح
معلقه كبيره خل.كيس بودر
الطريقه
ننخل الدقيق ونضيف الحاجات الجافه كلها
وندفى الحليب بسيط جدا ونقلب فيه السكر
والملح ومعلقه كبيره سمنه ومعلقتين كبار زيت
ونضيفه الدقيق ونعجنه كويس جدا اهم حاجه العجين
وتكون العجينه جامده علشان تقدر تتحكم فيها
ونعطيها بكيس ونتركها ساعه
ونقطعها قطع صغيره فى كيس علشان الهوى
نبططها ونحطها فى ماكينة العيش على رقم ٤
ونحطها على قطع قماش قطن  علشان ميلزقش
ونسيبه يرتاح ربع ساعه ونخبزه فى فرن غاز
على ساحة الفرن والف هنا حبايبي
يارب يعجبكم