اسم الوصفه: عيش شمسى(صعيدى)
مقدم من الشيف/حسن كمال حسين
مدة التحضير120
مدة الخبز 15 دقيقه
المقادير
كيلو دقيق
ملعقه خميرة جافه
ملعقه ملح صغيره
0.5 كوب ماء
ماء دافئ للعجن
الطريقة
نحضر الخميره نضع ملعقة الخميرة في نصف كوب
ماء دافئ ثم نحضر طبق ونعجن الخميره المذابه
بكوب دقيق ونغطيها ونتركها في مكان دافي تخمر
ثم نحضر اناء عميق ونضع حوالي 2كوب ماء دافئ
ونذوب ملعقة الملح ونحضر الخميرة ونضعها فيها
(اللي عجناهاسابقا)ونضع الدقيق ونعجن حتي يختفي
الدقيق كله هنبل أيدينا ماء ونكمل عجن ولو لقيناها
شاده شويه هنضيف ماء قليله جدا ونعجن لما تبقى
معانا عجينه مرنه وبتفرد لوحدها
هنجيب صينيه ونرشها بالرده ونقطع العيش ارغفه
صغيره ونصعها تحت المروحه علشان الايام ساقعة
ولو فى الصيف نتركة فى الشمس ونفرد ببطن
الايد بالراحه ونسيبه تحت المروحه لما يبتدي
يخمر ونحس أنه هيعمل طبقه تاني من تحت
نقلبه عالناحيه الثانيه ونخف الرده من عليه
بنمسحه بشاش خفيف ونسيبه لما ينشف
شويه حوالي نص ساعه اوربع وبعدين نقلبه
تاني عالناحيه الأولى ونمسح الرده خالص
هنسخن الفرن أنا عملته في فرن البوتاجاز
شغلتها من تحت وتركتها تسخن جيد جدا
هنفتح العيش من عالجوانب بابره أو دبوس
ونروح نرصه في الفرن ونقفل عليه (عالصاج)
مش الشبكه لما يعلي ويزيد حجمه وياخد لون
اصفر من تحت هنشغل النار من فوق ونطفي
اللي تحت لما يحمر وشه ونهويه لما يبرد
وبالف هنا
