اللحمه الباردة اعداد شيف ايه جمال كتبت Batot Ahmed

اللحمه البارده احلي طبق ممكن تعمليه في العزومات 😋👍 عرق اللحمة البيف روستو 👇👇👇👇👇 المقادير عرق لحمة يفضل فلتو ويكون متربط معلقة كبيرة ملح معلقة كبيرة فلفل اسود معلقة كبيرة بهارات مشكلة معلقة كبيرة كاتشاب هنتبل العرق كويس جدا بالتتبيلة وممكن نسيبه في التتبيلة ساعة او ساعتين او نعمله علي طول في صينية فيها سمنة وزيت تسخن كويس اوووي ننزل بالعرق ومعناها ورقتين لورا وحبهان. ياخد صدمة ويتحمر حلو من كل الجهات تمااام كده اتحمر واتشمر شمري انتي بقي وهاتي صينيتك الحلوة اللي هتدخل الفرن حطي العرق ومعاه الخضار اللي تحبيه انا حطيت جزر ،بصل ،فصوص ثوم، وشرايح فلفل اخضر ورق لورا وحبهان نص كوب مايه سخنة ونغطي بالفويل كويس اوووي وممكن لو حابه في كيس حراري ويدخل الفرن اول نص ساعة علي نار عاليه وبعدين تهدي النار تكون وسط لمده ساعة ونص كمان العرق ده وزنه كيلو و٣٠٠جرام اهم ساعتين طيب يا اية لو العرق اكبر او اصغر اعرف انو تستوي ازاااي بس كده بصي يا ست الكل هتجيبي سكينة وتغرزيها في اللحمة لو لسه بتنزل دم او سايل محمر يبقي لسه نزلت سايل ابيض زي الزيت كده او مفيش يبقي تمااام تستوي وزي الفل👌👌👌 خرجيه وسبيه يبرد نفك الخيط وبعد ما يبرد يتقطع شرايح طب الخضار هنسيبه ابدا الخضار اللي كان من اللحمة بالكبة او الهاند بليندر افرمي كويس وطاسة حطيه مع شوية مايه لحد ما يكون قوام مناسب وملح و فلفل اسود ظبطي الطعم وغلوتين وتمااام نقدمه بقي مع ارز بسمتي او ارز بالخلطة انا قدمت مع رز بسمتي طعمه تحفة لو حابين تعرفه الطريقة اكتبولي ونعمله قي وصفة تانية وبالف هنا ياله جربيه في عزومات رمضان بقلب جامد وابهريهم بالطعم والشكل الجااامد مستنيه