طريقه عمل البيتزا

بيتزا

مقدم من المتميزه رانيا عبد الجليل 
أعملوا المقادير دى وانتم مغمضين ودعوة حلوة أزور الحرم 
المقادير : 3 كوب دقيق/واحد ونصف ملعقه صغيرة خميرة فوريه/نصف ملعقه صغيرة ملح/واحد ملعقه كبيره سكر /3 ملاعق زيت طعام أو زيت زيتون/معلقتين زعتر اذا اتوفر /كوب ماء دافئ/ملعقتان لبن مجفف اذا اتوفر .
الطريقه :فى طبق عميق نقلب السكر والخميرة والماء الدافئ وتغطيه ونسيبه يخمر وفى طبق العجن نقلب الدقيق والملح والزعتر واللبن البودرة والزيت وبعدين نقلب الخليط ين مع بعض ونعجن وممكن تزود ملعقه أو اتنين دقيق لغاية ما العجينه تلم وندهن الطبق زيت ونغطى العجينه بكيس حوالى ربع ساعه تخمر ونفردها فى صنيه بالسمك اللى نحبه
الوجه:بغطى العجينه بالكاتشب وبوزع عليها قطع جبنه مثلثات اى نوع وضيف اللحم المعصج اوشاورمه الفراخ أو التونه أو اسيبها عشاق جبنه وأضيف طماطم مقطع مكعبات صغيرة وفلفل ألوان شرايح وزيتون مخلى اذا بتحبوا وارش الوجه جبنه رومى مبشورة وجبن موتزيريلا وعلى فرن ساخن
وألف هنا
رئيسه قسم فتافيت السكر لموقع واذاعه اخبار العرب الشبف / ايمان شلبي

كيكه الجل والموز

 كيكه الجل والموز 

مقدم من يارا ويوسف وياسين
مده الطهى ٢٠دقيقه
مده التزين مش اقل من خمس ساعات عشان تبرد وتتنزين صح

اولا جبت خمس بيضات وحطتهم ف الخلاط وعليهم كيس فانليا ثم كوب الا ربع سكر بودره وقلبت كويس ثم كوب ونص دقيق عليه كيس بينك بودر وعجنتها ثم سوتها وبعدين تركتها لمده ٥ساعات ثم عملت الجل وحطيته ف صنيه ثم تركتها نص ساعه وبعد ين قطعت الموز وحطيت عليه باقى الجل وتركتها ف الثلاجه نص ساعه ثم قطعت الكيكه وحطيت جوها جل وحطيتها ع الجل ف الصنيه وسبتها ٤ساعات ف التلاجه ثم طلعتها وقدمتها وبلهنا والشفا
رئيسه قسم فتافيت السكر لموقع واذاعه اخبار العرب الشيف / ايمان شلبي

طريقه عمل البيتزا

 بيتزا 


دي ولا اي مقدمه من المتميزه : اسماء احمد جمال . مده التخمر :ساعه مده السوا: 20 دقيقه المقادير :كوبيتين دقيق ومعلقتين كبار زيت ومعلقه كبيره سكر وكيس خميره فوريه دريم وتلت اربع كوب لبن او ماء زي ما تحبي ولو في زبادي حطي معلقه كبيره زبادي او ممكن وش لبن بيخليها حلوه وطريه. الطريقه : بتنخلي الدقيق وتحطيه في بوله وبعدين الزيت والسكر ورشه الملح والخميره وتدفي اللبن وتعجني او المياه وممكن تعوزي اكتر من تلت اربع لبن علي حسب العجينه ماتعوز وبعدين تسيبها تخمر وتغطيها حوالي ساعه وبعدين تدهني الصنيه زيت وتبططي العجينه وتدهنيها ممكن كتشب او صلصه توم بخل علي حسب ماتحبي وتحطي الطماطم والفلفله وبعدين جبنه رومي وموتزريلا ولو في شيدر حطي عادي وتحطيها في الفرن من 15الي 20دقيقه كده وبالهنا والشفا حبايبي
رئيسه قسم فتافيت السكر لموقع واذاعه اخبار العرب الشيف / ايمان شلبي

طريقه عمل عجينه المكرونه اللزيزه

عجينه المكرونه اللزيزه 


عملت منها شرايط بالخضار والصويا صوص وبالسوسيس والبشاميل ايه رايكم
مقدمهي من نهي فارس
العجينه 
كوب الدقيق
بيضه 
٢معلقه زيت 
ملح وفلفل
وتعجني وتلميها حلو 
تفرديها رقيقه جدا زي الورقه لوعندك ماكنه الخبيز بتسهل جدا جدا عليكي 
تسلقيها عادي زي العاديه بس بتخد وقت اقل من التانيه تطلعيها تغسليها او زي ما انتي متعوده انا عن نفسي بغسلها
اللون بنجر ولون زعفران وكسبره خضره بضربيها وتخدي ميتها 
انا سلقت بالالوان بس ممكن وحطي اللون في العجين نفسه الاسهلك انتي
رئيسه قسم فتافيت السكر لموقع واذاعه الوطن العربي الشيف / ايمان شلبي

طريقه عمل الكفته

احلى كفته فراخ

يابنات اتفضلوا معانا سهله وسريعه وتحفه بجد
مقدمه لكم:سماح
التحضير:30دقيقه
الطهى: 10دقايق
المقادير.نصف كيلو صدور فراخ مخليه -جبنه رومى-زيتون اخضر-2بصله مبشوره ناعمه ومتصفيه وملح وفلفل وكسبره وكمون وجنزبيل وبهارات كفته و دقيق وبيض وبقسماط للتغليف
الطريقه
تفرم الجبنه الرومى فى الكبه وبعدين الزتون وبعدين الفراخ ونقلبهم مع بعض ونحط ملح خفيف علشان الزتون والجبنه فيهم ملح ونحط البصل وجميع البهارات ونخلطهم مع بعض كويس وبعدين ندخلها التلاجه شويه وبعدين نعملها صوابع ونحطها فى الدقيق وبعدين فى البيض وبعدين البقسماط وندخلها التلاجه شويه ونحمرها فى زيت يكون سخن جدا وبالف هنا
رئيسه قسم فتافيت السكر لموقع واذاعه اخبار العرب الشيف / ايمان شلبي

طريقه عمل مالتو

احلي مولتوو


و ده ولا ايه يا جماعه اتفضلوا عندنا 
المولتو او الكرواسون مقدم من غادة محمد 
مده التحضير عشر دقايق
ومده التخمير ساعه 
وبعدين يخبز حتي يتم سواه 
مقاديره
نص كيلو دقيق وعليه معلقه ك خميرة و معلقتين سكر ك ورشه ملح صغيرة وقلبيهم مع بعض وننزل بيضه وعليها كيسين فانليا وكوب زبده او سمنه ونعجن باللبن الدافئ او نحط كيس لبن نيدو ونعجن بالمايه الدافيه ونغطي علي العجينه وتخليها تخمر نص ساعه وبعدين نفرد العجين ونقطعها 16مثلث بقطاعه البيتزا او السكينه ونلفها من برة لجوه ممكن تحشيها حادق او مربي او شوكلاته نوتيلا او ساده وترصي في الصنيه وتخليها تخمر نص ساعه كمان ممكن تدهني وشها علي خفيف لبن وترشي سمسم او حبه البركه او لاء براحتك وتدخل الفرن يكون سخن ولما تاخد لون دهبي حلو من تحت وفوق طلعيها وصبي عليها شوكلاته مطبخ سايحه بس متكونش سخنه اووى والف هنا 
رئيسه قسم فتافيت السكر لموقع واذاعه اخبار العرب الشيف / ايمان شلبي

طريقه عمل كشرى مصرى

اجمد طبق كشري 
يلا يابنات 
مقدم من ثناء احمد ابراهيم 
الطريقه: 
اول حاجه نسلق المكرونه ربع كيلو مكرونه عاديه وربع كيلو مكرونه اسباجتي بس انا كان عندي مكرونه عاديه بس وبعد السلق نركنهم وهنا نحمر البصل اذاي نقطع البصل جوانح و نرش عليها رشه دقيق ونقلبها وبمصفاه نهز البصل علشان نتخلص من الدقيق الذايد ونكون حاطين زيت في حله علي النار ونضيف البصل ونقلب ونهدي النار مع استمرار التقليب لغايه مالونها يبقي اصفر وتحسي ان البصل بيشخول يعني قرمش وتصفيه علي منديل ورق استني اوعي ترمي الزيت بتاع البصل هي دي التكايه بتاعتي ان زيت البصل ده اللي هنعمل بيه الكشري والصلصه وبكده خلص البصل المقرمش نسلق بعد كده العدس بجبه ويتصفي ونكون نقعين الحمص الشام ونسلقه ونصفيه ونبدأ نعمل الصلصه تجيبي فصين توم مهروسين وفاكرين زيت البصل نحط شويه منه في حله صغيره وننزل عليه بالتوم ونشوح لحد مايصفر ننزل بعصير الطماطم ونسيبها تتسبك وبعدين نعمل الدقه توم وليمون وخل وملح وكسبره ناشفه وشويه ميه ومعلقتين صلصه متسبكه ونقلب ونركنه وهنا بقي الكشري اول حاجه نضيف شويه زيت من زيت البصل وننزل عليهم بالشعريه ونحمرها وبعدين ننزل بالرز ونشوحه شويه وبعدين نضيف العدس بجبه ونظبط الملح ونسيبه لغايه مايستوي وبكده عندك الكشري والصلصه والدقه جاهزين وبالهنا والشفا 
رئيسه قسم فتافيت السكر لموقع واذاعه اخبار العرب الشيف / ايمان شلبي

طريقه عمل الدوناتس

دوناتس خطتشيييير 😋😋😋 
مقدم من مني شراره 
مده التحضير 30 
مده التسويه 20 
الطريقه 
٣كوب دقيق و٢معلقه سمنه و٢بيضه وربع كوب سكر ورشة ملح وخميره واعجني بلبن مع ميه وتكوني مدفياهم على النار واعجني زي عجينة البيتزا كده بس تكون مرنه شويه وبتلزق بسيط وبعدين افردى العجينه على الرخامة ويكون تحتها دقيق عشان متلزقش وقطعيها بقطاعه وسبيها تخمر تاني واقلي في زيت درجه حرارته متوسطه عشان تستوى وحطيها في شكولاته متسيحه علي حمام بخار والف هنا و شفا 
رئيسه قسم فتافيت السكر لموقع واذاعه اخبار العرب الشيف / ايمان شلبي

طريقه عمل الكيك

طريقه الكيك 
مقدم من مي تامر 
مده التحضير / 15 دقيقه 
مده التسويه /30دقيقه 
نص كيلو دقيق اسبونش عليه 6 بيضات ذره فانليا معلقه بيكنج بودر نص معقله صغيره محسن كيك جيل ونص كوب ماء دافى
يضرب البيض والفانليا لمده 5 دقايق ويضاف باقى المكونات الجافه ويضرب بالمضرب لمده عشر دقائق ويضاف الماء بالتدريج اثناء الضرب ويتم وضعه فى قالب مفروش ورق زبده ويوضع فى الفرن 
بعد ما تبرد تمام يتم التقطيع على تلات طبقات وتسقى قليل 
بالشربات ويوضع الكريمه مع قطع الموز بين الطبقات وتزين بالوجه من المكونات المتوفره عندك والف هنا
رئيسه قسم فتافيت السكر لموقع وازاعه اخبار العرب الشيف / ايمان شلبي

طريقة عمل تورتايه

طريقة عمل تورتايه 
مقدم من / رانيا عبد الحليل
حبايبى أعملوا الخطوات بالظبط وان شاء تطلع أحلى من الجاهزه
المكونات: نص كيلو سبونج تورتة (دقيق تورته) /6بيضات/معلقة كبيرة محسن جل/فانليا/معلقة خل /مج شاة عادى ربعه لبن وكملى ماء
الطريقه:
نجهز نصيه مقاس 24 ندهنها زيت ونبطنها بالدقيق أو ورق الزبده أن أمكن
فى المضرب الكهربائى ننزل البيض والفانليا والخل ونضرب حوالى 5دقايق وبعدين ننزل المحسن ونستمر فى الضرب لغاية ميرتفع كويس معانا وبعدين نضيف مج اللبن بالماء ونبدأ فى تنزيل الدقيق بالتدريج ونستمر بالمضرب حوالى 15دقيقه متواصله طبعا فى نفس الاتجاه لو المضرب يدوى
ويكون الفرن ساااخن جداا ننزل الخليط فى الصنيه بدون هز للصنيه وندخلها الفرن على درجة حرارة 200 عشر دقايق ونهدى على 180 وتفضل حوالى 45 دقيقه طبعا منحاولش نفتح الفرن خالص غير بعد 45 دقيقه وفتح بسيط جدا نجرب بخلة أسنان اذا استوت تمام نطفى الفرن ونفتح جزء بسيط بالتدريج علشان متهبطش دقايق تهدى ونقلبها تبرد وطبعا يفضل تبات ليله قبل التزين أن امكن

التزيين :
نقشر الوجه ونقطع الكيك أربع طبقات أو 3 حسب المتاح
نأخذ اول جزء من تحت ونسقيه خفيف لبن سااقع بالمعلقه ونحط طبقة كريمه واى حشو ممكن موز أو شيكولاته مبشورة أو مكسرات ونضع الطبقه الثانيه بنفس الطريقه والثالثه فى اخر طبقه نقى لبن بسيط بالمعلقه ونضع كميه مناسبه من الكريمه لتغليف التورتة كامله وبعدين نزين الوجه بالكمبوت أو الفواكه المتاحه أو بالشيكولاته والكريمه على حسب الرغبه وفى التلاجه ساعتين
وألف هنا (معلش طولت عليكم يارب أكون افدتكم)
رئيسه قسم فتافيت السكر لموقع واذاعه اخبار العرب الشيف / ايمان شلبي

طريقه عمل بسبوسه بالقشطه

الصوره تتحدث بسبوسه بالقشطه 💖💖💖( الطريقه )

مده التحضير / 10دقائق
مده الطهى / 30دقيقه 
نحضر بوله كبيره ونضع فيها 2 كوب سميد ونصف كوب سكر ونص معقله صغيره بيكنج بودر ونصف كوب جوز الهند 
وكوب لبن دافى مذاب فيه نصف كوب سمن او زبد وفنجان عسل ابيض وفانيليا ويعجن ويوضع فى القالب ويدخل الفرن 
ويسقى بالشربات الساخن حين الخروج من الفرن
القشطه/ بوله نضع فيها 3 معالق نشا مذاب فى 2 كوب لبن و2 ملعقه سكر وفانليا و2 ملعقه كريم شانيته لتعزيز النكهه ويغلى وتترك تبرد ممكن اضافه علبه قشطه بوك ان وجد وتوضع فوق البسبوسه والف هنا 💖💖 
رئيسه قسم فتافيت السكر لمقع واذاعه اخبار العرب الشيف / ايمان شلبي

طريقه عمل تورته شيكولاته

تورته شيكولاته 
مقدمه من هند محمد
مده النضج 45 
المقادير 
نص كيلو دقيق اسبونج شيكولاتة و٦ بيضات ونص كوباية مايه وفانليا بحط كله على بعضه واضرب بالمضرب ربع ساعة 
واكون مسخنة الفرن قبل ما اشتغل على ١٨٠
اجيب صينيه وادهنها زيت وابطنها بورق زبدة واصب الخليط فيها وادخلها الفرن فى الرف الوسطانى واشغله من تحت بس هى تقريبا اخدت ٤٥ دقيقة بفتح الفرن شويه صغيرة واسيبها لحد ما تبرد ادخلها التلاجة واشتغل فيها تانى يوم
والتزويق
بعمل شربات كوباية مايه وكوباية سكر وفانليا واغليهم غلوتين على النار واطفى ولما يبرد اسقى بيه طبقات الكيكة بعد مااقطعها وازوقها بكريم شانيه ضيفتله كاكاو خام وسكر بودرة ولبن مثلج
صوص الشوكولاتة عبارة عن كوبايتن وربع شيكولاتة خام مبشورة وعبلة كريمة خفق للحلويات بحط الكريمه على النار واول ماتقرب تغلى بطفى عليها واحط بشر الشكولاتة واستنى دقيقة واقلبهم ولما تبرد اصبه على الكيكة
ملحوظة لو عايزاها عاليه كده ممكن تعملى مقدارين 
رئيسه قسم فتافيت السكر لموقع واذاعه اخبار العرب الشيف/ ايمان شلبي

طريقة عمل الجاتوه

طريقة عمل الجاتوه شاتوه روعه
مقدمه من مروة رجب
مده التحضير :15دقيقه
مدهالتسويه :25دقيقه
المقادير :كوب سكر وكوب لبن وكوب ونصف دقيق ونصف كوب زيت وفانيليا وكيس بيكنج بودر وربع كوب كاكاو خام و 2بيض
الطريقه :نضع فى الخلاط السكر مع اللبن ونضربهم وننزل بالكاكاو وبعد كده الفانيليا وبعد كده الزيت وننزل بيه سرسوب لحد ما الخليط يتقل نشيل منه كوب على جنب ونكمل على الخليط اللى فى الخلاط البيض ونضربهم شويه ونكون مجهزين طبق فى الدقيق وبيكنج بودر وننزل بالخليط عليه ونكون مجهزين الصنيه ودهننها زيت ونكون مشغلين الفرن واحنا شغلين ونحط الخليط وندخله الفرن وبعد ما تستوى نسبها تهدى شويه ونقطعها وننزل بالكوبايه بتاعت الصوص اللى كانت معانا فى الأول والكوب يكون فى التلاجه وبالف هنا

رئيسه قسم فتافيت السكر لموقع واذاعه اخبار العرب الشيف / ابمان شلبي

طريقه عمل الكنافة النبولسي

الكنافة النبولسي 
مقدمة من الشيف / ايمان شلبى 
مده التسويه 20 دقيقه 
المكونات 
نصف كيلو كنافه بايته في الفريزر -ربع كيلو جبنة عكاوي أو مودزريلا -كوب سمن سايح -نصف كوب سكر بودر فانليا -فسدق حلبي مجروش خشن -ربع معلقة غروب الشمس 
مقادير الشربات 2كوب سكر كوب ماء عصير لكون
الطريقه
نقع الجبن في الماء لمده ساعه ثم تشطف وتنقع مره اخري وتكرارا عملية النقل والشطف 3 مرات
نعمل الشربات التقيل ونتركه يبرد
نفرك الكنافه جداااا ثم تضيف السكر وغرب الشمس والفانليا وننزل بلسمن ثم تفرد بلصنيه وتضغط بصنيه أخري حتي تتساوى ثم نضعها في الفرن حتي تنضج تخرج نضع الجبنة ونقلبها علي صنيه اخري ودخلوا الفرن مره اخرى حتي تسيح الجبنة ثم نضع الشربات فور خروجها وتزين بلفسدق وبلهنا

طريقة عمل شاورما

طريقة عمل شاورما 
مقدمة من: زينب احمد
مدة التحضير:١٠د
مدة الطهى :٣٠د
المكونات نص كيلو بانيه مقطع شاورما-علبة زبادى-معلقتين طحينة ومعلقتين صلصة ومعلقة خل ومعلقة زيت وفلفل وملح وبهارات شاورما وبصل وتوم بودر وتوم مهروس 
الطريقة :
تخلط المكونات مع بعض ثم نغسل البانيه كويس ونضيفه على المكونات ويوضع قبل الطهى بساعتين فى التلاجة او قبلها بيوم ثم توضع فى طاسة وعلى نار هدية حتى السوا وقبل السوا بشوية نقطع فلفل ونضعها عليها وبالف هنا 
رئيسه قسم فتافيت السكر الشيف / ايمان شلبي

طريقه عمل الكب كيك

.مقدم من المتميزه / شيماء عبد الحميد

مده التحضير 10 دقايق
مده السوا 30 دقيقه

طريقة
الكب كيك ..بقلب بالمضرب اليدوي 2كوب سكر مع كوب زيت ثم اضيف 4 بيضة مبار وفانيلا وبالمضرب اليدوي اضرب ثم اضع 3 كوب دقيق مع معلقة كبيرة بكنج بودرة وربع معلقة بكربونات الصودا ورشة ملح ونصف كوب كاكاو خام وبأكد خام واقلب بيدي علشان الخليط تقيل ..واخر حاجة حليب سائل ..واحط تلاث ارباع الكب عجين ع 180 بورق زبدة ولما يستوي ويبرد بمقورة مدورة خرمت الكب وضفت له كراميل وغطيته بكريمة بالكاكا
رئيسه قسم فتافيت السكر الشيف / ايمان شلبي

طريقه عمل لبيتزا التونه

لبيتزا التونه 

وصلت محدش يقول هات
مقدمه من المتميزه / نهي فارس 
المكونات 
نص كيلو دقيق
معلقتين زيت
٢معلقه لبن بودره
معلقه خميره
معلقه سكر
وتعجن بماء دافي تترك لتخمر وتشكل
الحشو
بصل وطماطم وفلفل وزيتون علبه تونه وجبنه موتزاريلا
مكنش عندي صلصه للبيتزا استخدمت الكاتشب
رئيسه قسم فتافيت السكر الشيف / ايمان شلبي

كبسة الفراخ بالصنوبر والمكسرات

كبسة الفراخ بالصنوبر والمكسرات

سهله ولذيذه وشيك فى العزومات
مقدمه من المتميزه /رانيا عبد الجليل 
المكونات:3 كوب أرز بسمتى أو حسب عدد الأفراد / فراخ حسب العدد المطلوب أو لحمه/ملعقتين زبده ومعلقة سمنه بلدى
3بصل مقطع أرباع /4توم كبير/فلفل أسمر/ملح/حبهان/قرفه خشب/قرنفل/ورق لورا/ زبيب/مكسرات أو فول سودانى/صنوبر حسب الرغبه/معلقة كبيرة خلطة كبسه
الطريقه:
نغسل الأرز وننقعه وفى حله ملعقتين زيت ونزل الفراخ والبصل والثوم والبهارات (فلفل أسمر و حبهان وورق لورا وقرفه والقرنفل ) حتى تمام السواء ننشلها ونصفى الشوربه وفى حله جديده
نضع السمن والزبده وبصله جوانح رقيقه والزبيب والمكسرات ومعلقة خلطة الكبسه والصنوبر
على النار دقيقتين ونصفى الأرز ونزله على المكسرات ونقلبه دقيقتين ونضيف لكل كوب أرز كوب ونصف شوربة بتغلى ونغطى غلوتين ونهدى النار ونقلب حتى تمام السواء
نحمر الفراخ فى الفرن ونرصها على الوجه عند الغرف ونزين بزبيب و مكسرات متحمرة خفيف فى معلقة سمن
وألف هنا
رئيسه قسم فتافيت السكر الشيف / ايمان شلبي

طريقه عمل جلاش بالكستر

جلاش بلكستر 
مقدم من سحر
مده التحضير 20 دقيقة
مده التسوايه 30دقيقه
المقادير
نص كيلو جلاس
وزيت
كوبيتين لبن
فانيليا
وسكر حسب الرغبه
و كاستر
الطريقة
بقي بتجيبي ورقتين من الجلاش وبعدين زيت وعقبال كده لحد نص الجلاش وبعدين نعمل بقي الكاستر نجيب حله ف البن ومعلقتن الكاستر فانليا والسكر على النار لحد ما يبقي تقيل زي المهلبية بظبط ونحتو بقي ع الجلاش ونكمل نص التاني من الجلاش وتحت ع الوش روبع كوب لبن وع لنار يتحمر نسقي بي الشربات وبالف هنا عليكم
رئيسه قسم فتافيت السكر الشيف / ايمان شلبي

طريقه جديد لعمل الفراخ

 طريقه جديدة اعملهابيها جت ايه حبيبه قلبي شيف ايمان شلبي قالتلي علي طريقه جميله❤ وفعلا جربتها وكانت عسسسل الله اكبر اقولكم علي 

مقدم من المتميزه اميره 
المقادير
/معاياطبعافرخه مغسوله كويس قوي
نصف كيلو كبد وقوانص
معاياكمان شعريه💕
عدد ٢بصله مبشوره
فلفل حامي مبشور
بهارات/كمون/فلفل اسود/كسبرا ناشفه/ملح
الطريقه
/الاول تسلقي القوانص ٣/٤سلقه عشان بتغيب في السوا عن الكبده وبعدكده تجيبي الشعريه وتسويها وبعدالقوانص ماتستوي ضيفه كل المكونات علي بعضهامع الكبده والبهارات وقلبيهم كويس افتحي الفرخه واحشيها❤ تحت الجلد ومن ❤جوه كمان ضيفه علي الخلطه قبل الحشو ملعقتين كبار زيت زيتون بعدماتخلصي حشو اقفليها كويس وبعدين اسلقيها وبعدماتستوي دخليهاالفرن تتحمرعلي نار متوسطه وكلي بقي احلي فراخ بالكبد والقوانص والشعريه علي طريقه شيفتناالجميله ايمان شلبي الف هنا علي من
جمعتكم طيبه مباركه ان شاء الله❤❤
رئيسه قسم فتافيت السكر موقع واذاعه الوطن العربي الشيف / ايمان شلبي