أحدث سيشن جديد لمصممه الازياء المبدعه للغاية فى مصر والوطن العربى : داليا موسى !

 

كتب : حمدى محمد

أحدث سيشن تصوير للمصممة الازياء المبدعه والمتالقه للغايه فى مصر والوطن العربى داليا موسى

تعشق هذا المجال منذ الصغر حتى وصلت للابداعات والتميز وحاصله على عدد من الجوائز والشهادات فى هذا المجال لتميزها وتألقها

كما شكرت مصممه الازياء (داليا موسى) المشاركين معاها فى أحدث سيشن تصوير كلا من :

خبيرة التجميل المتالقه : أمل رضا

المصور المحترف : أحمد ذكى

الموديل المميزه : أيه أحمد

علاج ضعف معدل الحرق بقلم الاخصائيه والكابتن : دينا أبراهيم

 

علاج ضعف معدل الحرق بقلم الاخصائيه والكابتن : دينا أبراهيم

أوقات بنسمع شخص معين بيقول أنا معدل الحرق عندى ضعيف و عشان كدة وزنى زيادة
يا ترى اية هو معدل الحرق و أية العوامل اللى بتأثر عليه و إزاى أعلى معدل الحرق بتاعى
أولا و أحنا بنتكلم عن معدل الحرق لازم نتكلم عن القواعد الأساسية فى توازن الطاقة اللى بتحكم وزننا و هى:
لو بيدخل جسمك سعرات حرارية من الطعام أكتر من السعرات اللى جسمك بيستهلكها فكدة وزنك هيزيد
لو بيدخل جسمك سعرات حرارية من الطعام أقل من السعرات اللى جسمك بيستهلكها فكدة هتخسر وزن و هتخس
لو بيدخل جسمك سعرات حرارية من الطعام مساوية للسعرات الحرارية اللى جسمك بيستهلكها فكدة وزنك هيبقي ثابت
الطاقة اللى جسمنا بيستهلكها يوميا بنسميها

total daily energy expenditure أو TDEE
و بنقسمها ل ٣ أجزاء :
معدل الحرق الأساسي
basal or Resting metabolic rate أو BMR

و دى السعرات الحرارية أو الطاقة اللى بيستهلكها الجسم عشان وظائف أعضاء الجسم الحيوية المخ و القلب و الكلى و الكبد و العضلات و غيرها و دى بتمثل ٦٠% - ٧٠%من أحتياجات الطاقة اليومية TDEE أو بمعنى أن ٦٠%-٧٠% من السعرات المكتسبة من الطعام تستهلك عن طريق معدل الحرق الأساسي

الطاقة المستهلكة فى النشاط البدنى و الرياضي و دى بتمثل تقريبا ٢٠-٣٠%من أحتياجات الطاقة اليومية TDEE
الطاقة المستهلكة فى هضم الطعام و أمتصاصه Thermal Effect of Food و دى بتمثل تقريبا ٧-١٠% من أحتياجات الطاقة اليومية TDEE

طيب اية العوامل اللى بتأثر على معدل الحرق
الوزن و الكتلة العضلية : كل ما زاد وزنك كل ما جسمك بيستهلك سعرات حرارية أكبر خاصة لو الوزن دة كتلة عضلية زيادة مش دهون زيادة لأن كيلو العضلات الواحد بيستهلك ١٣ سعر حرارى يوميا و بالتالى تمارين المقاومة زى الجيم و الضغط push up مفيدة جدا لزيادة الحرق لانها بتزود الكتلة العضلية

السن: مع تقدم السن معدل الحرق بيقل خاصة و أن مع تقدم العمر الكتلة العضلية بتقل بداية من عمر ٣٥ سنة sarcopenia و عشان كدة بننصح اننا نلعب تمارين مقاومة سواء بالجيم او بالبيت زى تمارين الضغط push up أو باستخدام وزن الجسم أو استك المقاومة resistance band هتلاقوا صورته فى أول كومنت

الجنس: الذكور طبعا عندهم كتلة عضلية أكبر من الإناث و بالتالى معدل الحرق عندهم بيكون أسرع . ملهاش حل دى لأ ليها إن البنات تلعب تمارين مقاومة و يطلعلها عضلات تحرق بيهم

النشاط البدنى: و زى ما شرحت فوق ان النشاط البدنى أحد المكونات الثلاثة لاحتياجات الطاقة اليومية TDEE و بالتالى كلما زاد النشاط البدنى و كل ما مارست رياضة الحرق هيعلى و هتزيد السعرات و الطاقة المستهلكة عن السعرات اللى بتدخل جسمك من الاكل و هتخسر وزن و تخس

الأكل: مش أحنا قلنا أن من أحد مكونات احتياجات الطاقة اليومية هو السعرات أو الطاقة المستهلكة فى أمتصاص و هضم الطعام Thermal Effect of Food و مش معنى كدة انك تفتح فى الأكل و تقول الأكل بيخسس لأ، لأن مهما كان السعرات اللى بتدخل الجسم من الأكل أضعاف الطاقة اللى بتسهلك فى أمتصاصه.

لكن معنى كدة أنك تاكل بانتظام و يفضل نظام ٣ وجبات رئيسية منخفضة السعرات بينهم وجبتين خفاف snacks مخسوبين السغرات ايضا و الهدف من تقسيم الاحتياج اليومى من السعرات على ٥ وحبات هو تقليل الشعور بالجوع

تهتم بوجبة الإفطار فى خلال أول ساعة من إستيقاظك عشان الحرق يعلى و ميقلش لانه مع عدم الأكل لساعات طويلة الجسم بيقلل معدل الحرق عشان يحتفظ بالطاقة لوظايفه و أعضاءه الحيوية و كمان فايدة الافطار بدرى انه بيقلل مستوى الكورتيزول morning cortisol بالدم و دة مفيد جدا لتقليل الاصابة بالنوع الثانى من السكر .

و فيه بعض أنواع الأكل بتعلى معدل الحرق بصورة مؤقتة زى:
البروتين الماء الشاى الأخضر القهوة الأكل الحراق spicy food

النوم: بالرغم أن اثناء النوم الحرق بيكون فى أقل معدلاته لكن عدم النوم لوقت كافى ٨ ساعات يوميا بيزود معدل السكر بالدم و بالتالى بيزيد هرمون الانسولين و عرفنا ان هرمون الانسولين بيقلل تكسير و حرق الدهون و كمان عدم النوم لوقت كافي بيزود هرمون الجوع ghrelin و بيقلل هرمون الشبع leptin و عشان كدة لازم تنام تقريبا ٨ ساعات متواصلين.

مشكلة بروز البطن بقلم : رنا أيمن !

مشكله بروز البطن بقلم : رنا أيمن 

مشكلة بروز البطن أو ظهور الكرش في سن الشباب مشكلة منتشرة جداً عند الأغلبية ..

شباب صغير وليهم كرش ، قوام مظبوط بس فيه كرش ، نحيفه وبكرش !

طب ايه السبب يا كابتن رنا ؟

هقولك عادات سلبية كلنا بنعملها ... زي

كلنا بعد أي وجبة {الغدا أو العشا أو حتى الفطار} بناكل ونخلص أكل ونستسلم للكسل بقى والخمول ؛ دة أكبر غلط على فكرة

الناس بقى إللي بتحب تشرب بيبسي أو المشروبات الغازية بأنواعها يعني في وسط الأكل أو العصاير المصطنعة دة ممنوع ؛ لو جربتي توقفي المشروبات الغازية لفتره قصيره بس هتلاقي الكرش اختفى في خلال أيام ، جربي

ممكن تكوني بتعملي تمارين رياضية للبطن بس بالشكل الغلط ؛ زي إنك بتحركي عضلات معينة ومريحة الباقي

لو بتنضفي في البيت وتشيلي حاجه أو وزن تقيل بشكل عشوائي بردو ده بيسبب هبوط في عضلات البطن وظهور الكرش ؛ ناخد بالنا بقى

الأكل بشكل سريع دة هيخليكي تاكلي كتير اوي من غير ما تحسي بالشبع ودة كدة هيساعد في توسيع البطن وكُبرها ؛ انتي اها بتاكلي بسرعه علشان تلحقي معادك بس الكرش دة مين هيلحقه

الأكل قبل النوم بيساعد في زيادة حجم البطن بصورة سريعه جداً لازم نستنى ساعتين على الأقل بعد الأكل وبعدين ننام

الحالات النفسية زي الإكتئاب مثلاً دي بتتحكم في الأغلبية ياكلوا كتير نحاول نقلل اكتئاب ؛ كرشنا يا جماعه

كرش التوتر بقى ؛ بيساعد على زيادة إفراز هرمون الكورتيزون ودة بيجمع الدهون حول منطقة البطن كدة بتخلي البطن تظهر زي الكورة المنفوخه فوق وتحت السُرة دة بسبب انتفاخ في القولون العصبي

تناول مشروبات الكافيين بصورة مستمرة يومياً

قلة شرب الماية بالكمية اللي بيحتاجها الجسم ع الأقل ، كثرة الأملاح أيضاً من أسباب ظهور الكرش

الوجبات السريعه زي البيتزا والكشري .. إلخ ؛ دول كلهم دهون صعبه وسعرات حراريه

قلة النوم ، وتناول كميه من الكربوهيدرات ، والكحول اللهم احفظنا

الكسل بيساعد كتير على تكوين كرش الدولاب هو شكله مربع مع زيادة الوزن في منطقة الجناب كدة ودة بيكون سببه كُتر أكل السُكريات بردو ممكن نتخلص منه بحاجات بسيطه اوي زي الجري أو المشي ؛ نستبدل الحلويات بالفواكهه للتخلص من الدهون الزيادة

الإصابة بالقولون ، القاعده مع احناء الضهر لفترة طويلة

أتمنى يكون المقال مفيد وتحاولوا تحافظوا على صحتكم أكتر