شوربة السي فود بالكريمة اولا في حلة فيها معلقة زبدة ننزل بمعلقة كبيرة دقيق ونقلبها خمس دقائق وننزل بالشربة اللي فيها الجمبري والسبيط والكابوريا واخر حاجة نضيف لكل لتر شوربة نصف كوب كريمة الطبخ وبعد ١٠ دقائق نضيف المشروم وبكدة بنكون عملنا شوربة السي فود اما بالنسبة السمك المقلي بنغسل السمك كويس جدا ونتبلة بالخلطة وهي عبارة عن توم فلفل حار اوبارد كمون ملح كسبرة ناشفة لمون خل كلة دة بنفرمة في الكبة ونحشي بي السمك ونعمل خلطة ننزل فيها السمك علشان يبقي كرسبي من برة وطي من جوة عبارة عن كوب دقيق ربع كوب نشا ببريكا كمون كسبرة ونضيف معلقة من خلطة حشو السمك وكوب ونص ماء ونخلي الخلطة متوسطة القوام وننزل بالسمك في الخلطة ونتركة ساعتين في التلاجة ونجهز دقيق وعلية نشا ورشة كمون وملح وتوم بودر وببريكا وكسبرة نطلع السمك من الخلطة ننزلة في الدقيق وفي زيت غزير نقلي السمك لازم الزيت يكون مغطي السمك وكدة نكون عملنا احلي سمك مقلي الكابوريا نغسلها كويس اوي اوي وفي حلة علي النار فيها مية بتغلي ننزل ببصلة مفرومة طمطماية معصورة ورق لوري حبهان بودر ومعلقة كمون معلقتين توم فرش وملح ونضيف الكابوريا ونغطيها ونتركها حوالي ٤٠ دقيقة علي نار متوسطة وبكدة نكون عملنا اجمل كابوريا كفتة الجمبري نصف كيلو جمبري مقشر فرمتة ناعم جدا وضفت علية معلقة صغيرة توم مفروم فريش معلقة صغيرة كمون وملح حسب الرغبة ومعلقة شبت مفروم وبصلة صغيرة مفرومة ناعم اضيف بس التفل اصفية كويس والمية اخليها علشان اصبع بيها الكفتة واضفلها معلقة زيت ورشة ملح وبشر طماطمايةوادخل الكفتة ساعة في التلاجة وبعد كدة اصبعها وابل ايدي من مية البصل واصبع الكفتة وبعدين اشويها علي الفحم او في الفرن وبتكون طعمها بجد وهمي خصوصا لو علي الفحم رز الصيادية في حلة علي النار فيها زيت ننزل ببصلتين كبار متقتعين قطع صغيرة ونحمرها لحد لونها مايبقي ذهبي غامق نضيف المية الملح الكمون لحد ماتغلي ننزل بالرز المغسول المنقوع نصف ساعة والمية تكون مغطية الرز اول مايغلي اهدي النار تلت ساعة وبكدة نكون عملنا اجمل رز صيادية اتمني ان الوصفات تعجبكوا لان رضاكم اكبر اهتماماتي الشيف سماح عطية ❤️
