مدة التحضير : 15دقأئق
مدة الطهى : 10 دقائق
المقادير :
نصف كيلو صدور دجاج
كوب دقيق
ربع كوب بقسماط خشن
معلقه خل
مياة بصل
لبن او زبادى
زيت غزير للقلى
ملح
معلقه صغيرة بيكنج بادور
توابل ( فلفل اسود بابريكا زنجبيل, ثود بودرة بصل بودرة حبهان
الطريقة
بنغسل الفراخ بالدقيق والخل ونقطعها صوابع سميكة ونتبلها باللبن او زبادى والملح والخل ومياة البصل وكل التوابل اللى موجودة فى الوصفة بعد ما نطحنهم مع بعض ولازم تبات فى التتبيلة على الاقل 4 ساعة علشان تتشرب كويس وتستوى بسرعة
بنجيب كوب دقيق بنضيف له ملعقة بيكنج باودر ونضيف عليه معقة كبيرة خليط من كل التوابل اللى عندنا وناخد ثلث كوب الدقيق بالتوابل نضيف عليه مياة لحد ما تتكون عندنا عجينة سايلة تشبه سلطة الطحينة بنحط الفراخ فى الخلطة دى ساعة تقريبا
باقى الدقيق بنضيف عليه ربع كوب بقسماط خشن
او ممكن نجيب العيش الفينو الناشف ونكسرة مفروم ونعمل بى بدل بالبقسماط
بناخد قطع الفراخ وننزلها فى خليط الدقيق والبقسماط وبعدها على الزيت على طول
زيت غزير وسخن وبعد ما نضيف الفراخ بنهدى النار شوية واول ما تستوى بنعليها تانى علشان تقرمش وتقدم ساخنة
ونعمل مع صوص جميل
وهو عبارة عن هوت صوص مع ذبدة مع كريمه لبانى مع معلقه كاتشب
وبالف هنا شيف هانى الجوهرى..
ليست هناك تعليقات:
إرسال تعليق