طريقه
تورته الشيكولاته مع الشيف دينا طارق
مده الطهي :45 دقيقه
مده التنزيين : نص ساعه
مقدمه من :دينا طارق
نص كيلو دقيق اسبونج
6 بيض بدرجه حراره الغرفه
نص كوب ماء
معلقه خل وفانيليا
الطريقه نخلط جميع المكونات مع بعض وبالمضرب الكهربا نضرب كويس لمده 20 دقيقه علي اعلي سرعه
بعد كده نجهز صينيه مقاس 26 ونبطنها بسمنه ودقيق ونضع الخليط في الصينيه وع الفرن علي درجه 180 لمده 45 دقيقه
⌚# ملحوظه
قبل مانبتدي نعمل الكيك نكون مسخنين الفرن وسيبينه شغال
بعد سوا الكيك وخروجها من الفرن نسيبها تبرد كويس ويفضل اننا نسبيها بعد ماتبرد ف التلاجه تبات ليله نغلفها باسترتش ونسيبها تبات ف التلاجه لتاني يوم
وقت الاستخدام نخرجها من التلاجه ونقطعها 3 طبقات ونبتدي نحشيها
#مقادير_الحشو
ربع موس شيكولاته
كوب الا ربع سكر او حسب الرغبه
كوب ونص ميه متلجه او لبن متلج
ونضربه كويس بالمضرب ونسيبه شويه ف التلاجه
ونكون مجهزين شربات خفيف او شربات كومبوت او سفن نرشه ع طبقات الكيك قبل الحشو
اول حاجه
اول طبقه من الكيك ونرش عليها شربات ونحشيها بطبقه من الموس وبعدها نحط عليها الطبقه التانيه ونرش شربات وعليها طبقه من الموس وبعدين اخر طبقه من الكيك ونغلف التورته كلها بالموس كويس ونسيبها ترتاح شويه ف التلاجه
#التزيين
فلوتس
مالتيزر ابيض وشيكولاته
شيكوبون
بسكويت اوريو
هنبتدي نزين التورته بالفلوتس من الجناب زي الصوره كده
ونقسم التورته اربع اجزاء بالفلوتس
وكل جزء نزينه بنوع زي الصوره كده
ويكون معانا شريط ستان نلفه حوالين الفلوتس
ليست هناك تعليقات:
إرسال تعليق