محشى كرمب مقدمة من الشيف اسلام عصفور _موقع واذاعة اخبار العرب

محشى كرمب على طريقتى
مقدم من إسلام عصفور
مده التحضير ساعه
مده الطهى من نص ساعه إلى ساعه إلا ربع
المكونات
كرمبه مسلوقة ومتقطعه
الحشو
2 بصلة
3 فص توم
حزمة من كسبره خضره/بقدونس/شبت
كمون /فلفل أسمر/ملح /كسبره ناشفه /مكعب مرق
 شطه  (إختيارى)
صلصة
زيت /سمنة
رز
الطريقه
نضرب البصل والتوم والكسبره والبقدونس والشبت فى الكبة
ويكون وسط ونحطهم فى صينيه ونضيف الصلصة والتوابل والسمنة والزيت ومكعب المرق ونضعهم على النار يتسبكو
ونطفى ونغسل الرز ونضيفه ونبتدى نحشى ومنحطش رز كتير علشان يبقى صغير  ونضغط على صباع المحشى ونرص فى الحله لما نخلص نضيف الشوربة تغطى المحشى بحوالى 2 سنتى
ونهز الحله براحة علشان الشوربة توصل للمحشى كله  ويغلى 10 دقايق على نار عاليه وبعدين نخلى النار وسط لما يشرب الشوربة نوطى عليه لما يستوى
وممكن نسوى اللحمة تلتين سوا ونحطها فى الحله تحت ونرص عليها المحشى وممكن نضيف على وش المحشى قطع زبدة قبل مانضيف الشوربة
وبألف هنا