كيك الفانليا مقدم من الشيف جيهان عبد الهادى_موقع واذاعة اخبار العرب

كيك الفانيليا.. .وكيك شيكولاتة .
بصوص شيكولاتة  السريع.بنفس المكونات .
مقدم من شيف /جيهان عبدالهادي
مدة التحضير /20دقيقة
مدة الطهي /30/40دقيقة
عندك الاولاد بيحبوا بالشيكولاتة
 وعندك جوزك بيحب الكيك العادي
 .لازم ترضي جميع افراد الاسرة .
 *المقادير *
كوب ونص لبن/2كوب سكر /كوب زيت/4بيض
3كوب دقيق ..نفس  الكوب  لكل العيارات
.م ك خل
ملعقة صغيرة فانيلا/باكو بيكنج بودر .ذرة ملح
  *الطريقة *
تضرب المواد السايلة في الخلاط
ويوضع الدقيق والمبودر والملح في بولة
تنزلي عليه بالخليط شوية شوية
عجينة تقيلة شوية
.*  ملحوظة  *  مش حاتاخد كل الخليط
حايتبقي منه .حاتخيله لكيكة الشيكولاتة..
باقي الخليط الابيض ..يضاف عليه/
 4ملاعق كاكاو خام
 نص كوب سكر /باكو نسكافيه صغير .او م ص
كوب دقيق/م ص مبودر/م ص كربونات/ذرة ملح
ربع كوب ماء ساخن /
يضرب باقي الخليط وعليه الكاكاو والسكر في الخلاط.ويوضع علي الدقيق والمبودر والكربونات
ويتقلب بمضرب يدوي..ويضاف لهم ربع كوب الماء الساخن ويضاف له النسكافيه وتقلب من تحت لفوق
بالمضرب وتدهن صنية زيت وتدخل فرن ساخن من قبل مدة 30/40دقيقة تختبريها بخلة اوو سكينة من النص بعد مرور 25دقيقة ..اي نوع كيك مايتفتحش عليه قبل كدا..بعد السوي.كيك الشكولا
نعملها صوص سريع*
نص كوب لبن ..نص كوب سكر خشن عادي.. م فانيلا
ربع كوب كاكاو .. نص كوب زيت او اكتر حسب ماتتكثف معاكي لان الزيت هو اللي بيديها السمك
م ص او باكو نسكافيه..اضربي كله في الخلاط واخر حاجة الزيت تنزلي بيه شوية شوية حسب ماتتقل معاكي  ممكت تضيفي عليها م ك زبدة.او كريمة .او لبن بودر .او كريم شانتي بودر..حاتبقي طعمها خطير كانها شكولاتة كابري مش حاتصدقي انك عملتيها بايدك وبسرعة كدة ..واسقي بيها الكيكة .وهي دافية .وممكن تستعمليها في كل الحلويات
جربيها وادعيلي *بالف هنا *****جيجي*****