كتبت Batot Ahmed
للافاده
التكة الأولي :
عشان يطلع سطح الكيكة كلة متساوي زي بعض ومش حتة هابطة وحتة لأ...
هنجيب فوطة ونبلها تحت الحنفية العادية مش الساخنة وبعدين نعصرها نصف عصر...
نفرد الفوطة علي رخامة المطبخ....
نجيب صينيه الكيك ندهنها كويس من الأرض والجوانب ونبطنها بالدقيق كويس ونحط الصينيه دي فوق الفوطة المبللة ..
بعد كده نصب عليها خليط الكيك جوه الصينيه وهي فوق الفوطة...ونمسك الصينيه ونخبط خبطة واحدة خفيفة عشان نطلع الهواء....
وبس ندخلها الفرن المتسخن طبعا بدون الفوطة..
( تبطين الصينيه بالدقيق بيخلي الكيكة ماتزلقش وكمان تاخد لون من القعر زي الوش وكمان تكون متماسكة بعد ما تبرد..
وكمان أحسن حاجة للكيك هي الصينيه الألومونيوم...وكل انواع الصواني التانية بتخلي الكيك مش مظبوط..)..
التكة الثانية ..
لو عندنا كيكة لازقة او صينيه أكل الأكل لازق ومش عارفين نطلعه...
نجيب فوطة ونبلها المرة دي ماء ساخن وتتعصر بس نص عاصرة ونحط عليها الصينيه اللي فيها الأكل ونمشي بالفوطة علي جوانب الصينيه دقائق وبعد كده الأكل هيطلع بسهولة..
ليست هناك تعليقات:
إرسال تعليق