القرص الطريه مقدمه من الشيف المتميزة ميرفت رجب

صباح الورد والفل عليكم حبايبي🌸💐🌸
القرص الطرية
مقدمة من / ميرفت رحب
مدة التحضير / 20 دقيقة
مدة الطهي / 15 دقيقة
المقادير
كيلو دقيق.     كوب سمنة علي زيت
كوب كبير زبادي.     رشة ملح
ربع كوب ميه دافية للخميرة
كوب ميه دافية للعجن
باكو بيكنج بودر.    3 معالق لبن بودرة
معلقة ونص كبيرة خميرة
معلقة ونص كبيرة سكر.      2 معلقة قشطة
الطريقة
اول حاجة نجيب ربع كوب الميه الدافية ونحط الخميرة والسكر ونقلبهم ونسيبها تخمر
نجيب بولة ونحط الدقيق وعليه البيكنج بودر واللبن البودرة ورشة الملح ونقلبهم وبعدين نحط الزبادي والسمنة والقشطة ونقلب وبعدين الخميرة والميه الدافية ونعجن كويس وبعدين نغطيها ونسيبها تخمر في مكان دافي
وبعد كدة نكورها قد الليمونة ونغطيها ونسيبها ترتاح وبعدين نفردها ونرصها في صنية مدهونة زيت ونسيبها تخمر شوية وبعدين ندخلها الفرن علي 200 وبالف هناااااا👌😋💜💜