اسم الوصفه: محشي كرنب
مقدم من : مروه طه
المكونات
كرنب
بصل
طماطم
كزبره
بهارات
جوز الطيب
أرز
كمون.
قرفه
ثوم
مكعب مرق
الطريقه ..
بصل كتير يتشوح فى زيت كميه جيده لان
المحشى بيحب الزيت الكتير علشان الأرز يفلفل
وننزل بعصير طماطم وثوم ومعلقه كبيرة صلصه
ومعلقة سكر وملح وفلفل اسود وكزبره ناشفه وكمون بسيط وقرفه وبهارات لحمه او السبع بهارات ورشه جوزة الطيب ومكعب مرق دجاج هى دى بهاراتى بسيب ده كله يتسبك
وبكون مقطعه الخضرة عادى وانزلها على الأرز والتسبيكه والتكات جايه هنا ..
اول تكه بتبل الرز تانى بكل البهارات الموجودة فى التسبيكه بعد مابضيفله الخضره والتسبيكه لازم ازود بهار تانى علشان اظبط الطعم ..
تانى تكه مش بسقى المحشى بشوربه سادة نوووو وااااى انى اعمل كده مستحيل اسقى شوربه سادة ..
التسقيه عباره عن شوربه مع كوب عصير طماطم مع معلقه صلصه مع كل البهارات تانى مع معلقتين او 3 كبار سمنه بلدى بخلى كل ده يغلى على النار وانزلهم على المحشى كل المحاشى بعملها بنفس الطريقه انتوا مش متخيلين اد ايه بتفرق جدا فى الطعم جربوها 😍
#تعديييل
اهم تركه على كوكب المحشى بلااااش اربجه بمعنى وانتوا بتلفو المحشى متشدوش الورق على الرز اوى خلوه مرخى شويه الاربجه دى بتخلى الرز مش اخد راحته فى السوا وبيبقى ناشف جوه الورق مهما استوى مش بيكون جوسى 😋😋 ..
وانجوووووى ..
#Moodk_fe_Foodk_مع_مارو
ليست هناك تعليقات:
إرسال تعليق