المكونات
لحمة ضانى
بامية
عصير طماطم
2 معلقة صلصة طماطم
بصل توم فلفل اخضر حار يوضع زى ما هو بدون فتح و2 ثمرة فلفل اخضر مقطع قطع صغيرة
ملح وفلفل
مكعب ماجى
2 فص هيل
2 حبة سليمة كبيبة صينى
.الطريقة
فى طنجرة اضع 2معلقة سمنة ممكن تستخدمي الزيت انزل بالبصلة المفرومة ناعم لحد ما تذبل ثم انزل عليها بمعلقة صغيرة من التوم لحد ما ريحة التوم تظهر بعد كده انزل باللحمة مع التقليب المستمر علشان اقفل مسام اللحمة بعد كده انزل بالملح والفلفل ورشة سكر وانزل بعصير الطماطم والصلصة وتغلى الصلصة ومن وقت لتاني ازيد ميه مغلية لحد اللحمة ما توصل لدرجة لاستواء بعد كده انزل بالبامية تاخد غلوة واحدة بس .
لعمل العجينة
كوب ونصف دقيق معلقتين زيت معلقة صغيرة سكر رشة ملح معلقة صغيرة حليب بودر معلقة خميرة صغيرة نصف معلقة بكنج بودر ماء دافئ للعجن . تخلط كل المكونات مع بعضها وتعجن تخمر للمرة الاولى ثم تفرد بواسطة الدقيق وتوضع على وجة الطاجن ثم تدهن بالزبادى (الروب ) ونرش عليها سمسم وحبة البركة وتخمر 5 دقائق قبل دخولها الفرن .
تدخل الفرن على درجة حرارة 220 حتى استواء العجينة .
وبالف هنا مع تحياتي واختراعاتي 😂😂 نووووور بالف هنا
ليست هناك تعليقات:
إرسال تعليق