طريقة عمل سلطة الفاصوليا بكل تكاتها
احسن من برة بكتير والطعم خطييييير دي طريقتي جربوها
مقدمة من /داليا الصباغ
مدة التحضير :1/2ساعة
مدة التجهيز :1/4 ساعة
المكونات :
نص كيلو فاصوليا فريش او فروزن
بصلة كبيرة مقطعة جوليان
فلفل ألوان مقطع جوليان
حوالي8 معالق سكر ويمكنك الزيادة لو عاوزينها مسكرة اكتر
نص كوب عصير ليمون
معلقتين خل
الطريقة
تنضف الفاصوليا وتقطع ونسلقها نص سلقة في ماء بيغلي مضاف إليه معلقة سكر كبيرة عشان تحتفظ بلونها
وبعد ذلك تترك لتبرد
في بولة نضع البصل وعليه ماء ساخن وينقع فيه لمدة عشر دقايق
في بولة أخري نضع الفاصوليا وعليها ربع كوب الليمون ونص كمية السكر ومعلقة الخل وتقلب جيدا
نصفي البصل في بولة أخري ونضع ما تبقي من باقي المكونات مع الفلفل الالوان ويقلب جيدا
كل بولة لوحدها ونغطيهم وندخلهم الثلاجة لمدة يوم كامل مع تقلبهم من حين لآخر عشان السكر يدوب والدريسنج يزيد عشان تتشرب منه اكتر
تاني يوم في بولة نضيف كل المكونات علي بعض ونقلبهم كلهم تقليب جيدا
وصحتين وهنا
ليست هناك تعليقات:
إرسال تعليق