الفراخ المشوية
نغسل الفراخ كويس جدا ولازم تتنقع في مياة ولمون وخل وملح ربع ساعة علي الاقل تمام كدة بعد كدة نغسلها من مياة النقع ونضيف عليها بصلة مبشورة وطماطماية مبشورة معلقة خل معلقتين عصير لمون كبار معلقة دبس رمان معلقة زيت زيتون معلقة ملح معلقة صغيرة بهارات فراخ رشة فلفل اسود رشة كمون نقلب كل المكونات مع بعض ونتبل الفراخ بتاعتنا وندخلها الثلاجة ليلة كاملة النتيجة بتبقي هايلة وبعد كدة بنشوي علي الفحم او في الفرن او باي طريقة تفضليهاوبالف هنا علي قلوبكم اما الباستا من فضلكوا ركزوا معايا اول حاجة بنسلق الباستا ونصفيها ونضيف عليها معلقة زيت زيتون ورشة فلفل اسود ونقلبها وفي حلة علي النار فيها ٤ معالق زيت زيتون ننزل ببصلة متوسطة متقطعة مكعبات واول مالونها يصفر انزل بمعلقة كبيرة توم مفرم فرش واول مااشم ريحة التوم انزل بكوب مشرم فريش واقلب وبعد كدة اكون مجهزة ربع كيلو سبانخ فريش متقطعة رفيع جدا ومعلقة كبيرة كسبرة خضرة ومعلقة شبت وننزل بيهم ونقلب لحد السبانخ ماتتبل تماما انزل بكوب طماطم متقشرة ومتقطعة مكعبات واضيف الملح والفلفل الاسود واسبهم مع بعض علي نار هادية ١٠ دقائق اطفي النار وانزل بالباستا واقلب وكدة بتكون عندي جاهزة بقدمها ونضيف فوق الوش جبنة برميجان شيدر موزاريلا وشوية من الفلفل للتزين وبالف هنا علي قلوبكم واضافة الجبنة دة اختياري #للطبخ_ابداع #طبق_من_اطباقي #الشيف_سماح_عطية❤️
ليست هناك تعليقات:
إرسال تعليق