مقدمه من / الشيف مرمر
من تجهيزات رمضان عمل عجينة السمبوسك بطريقه سهله وبسيطه
3 كوب دقيق
معلقتين زيت
1/2 معلقة صغيره ملح
ماء حسب احتياج الدقيق
فى بوله نضع الدقيق والملح والزيت وتخلط ثم الماء
حطى المايه بالتدريج لغاية ماتديكي عجينه متماسكه مش بتلزق فى ايدك افضلي اعجنى فيها لمده خمس دقائق وبعدين قطعيها كور صغيره حوالى 8كور ممكن تصغري او تكبري علي حسب مقاس الصاج اللي هتسوي فيه بعد التقطيع سبيهم خمس دقائق يرتاحو خمس دقائق بس عشان عجينه السمبوسه لو ريحت اوي مش هتعرفي تسويها وبعد ما ترتاح افردي فيها نص فرده مش على الاخر يعني افردي اربع كور مش للاخر ورصي اول واحده وحطي مسحة زيت ورشة دقيق محترمه وخصوصا علي الأطراف وحطي الطبقه الثانيه وكرري لغاية ما تخلصي اربع طبقات فوق بعض بينهم زيت ودقيق واظبطيهم كويس وافردي كل الطبقات الاربعه بالنشابه لغاية اخرها زي الرغيف الكبير وبعد ما تغريدهم سويها على طول ومتسيبهاش ترتاح عشان ما تريحش علي بعضها
التسويه
صنيه كبيره علي النار او صاج او طاسه زي ما تحبي ولعي النار شمعه ولما تسخن حطي السمبوسه وقلبي فيها تتشمع من غير ما تاخد لون قلبيها كويس وهاتي الاحرف في نص الصنيه واول ما تتشمع كلها والعجين يختفي ولونها يتغير بس ما تخدش لون زي العيش عايزاها زى العيش الني ارفعيها من علي النار وروحي افردي التانيه وبردو سويها علي طول ساوي الاحرف وقطعيهم بقا شرايح وابدأي سلكيهم من بعض هيطلعو بكل سهوله ورصيهم على بعضهم واحفظيهم فى الفريزر او احشيهم حسب الرغبه وفرزنيهم علي التحمير وبالف هنا
كل سنه وانتم بالف خير
ليست هناك تعليقات:
إرسال تعليق