مقدمة من الشيف هدي نور الدين
مده التحضير 15 دقيقه
مده الطهي 30 دقيقه
المقادير
لفه جلاش 350 جرام
100جرام سمنه سايحه
الحشو
250جرام لحمه مفرومه
2 بصله مقطعه مربعات صغيرة
ملعقة طعام سمنه او زيت
ملح فلفل اسود ناعم
رشه قرفه
بهارات لحمه
بابريكا رشه سكر
شطه حسب الرغبه
نصف كوب جبنه موتزريلا مبشورة
ربع كوب جبنه شيدر مبشوره
2 ملعقه طعام جبنه رومي مبشوره
ربع كوب زيتون مخلي حلقات
أخضر او اسود
الابراي للتسقيه الجلاش
نصف كوب حليب
2 بيض
ملح فلفل اسود ناعم
رشه بابريكا
للوجه
ميكس جبن رومي مبشوره
و جبنه شيدر مبشوره
زيتون مخلي حلقات
الطريقه
لتجهيز الحشوه
حله علي النار اضع البصل و عليه رشه ملح ثم اضع السمنه و اقلب حتي ياخد لون دهبي انزل باللحمة المفرومه مع رشه سكر و اقلب حتى يتغير لونها ثم اضع الملح و التوابل و اقلب ثم أرفع من علي النار و اضع الجبن و الزيتون عليها
ملحوظه انتبهي لنسبه الملح لأن في جبن و زيتون
أحضر صينيه مقاس 30 مدهونه سمنه ارص ورق الجلاش بين كل ورقه سمنه سايحه حتي يورق معايا حتي أصل لنص الكميه و اضع الحشو ثم اكمل باقي الجلاش و أكرر العمليه السابقه و اقطع الجلاش
ثم أحضر خليط الابراي للتسقيه الجلاش في وعاء اضع الحليب و البيض و اقلب و الملح و فلفل و بابريكا و انزل علي الجلاش
وتكه مهمه جدا لنجاح بيتزا الجلاش و تكون طريه و هشه أتركها بعد ما اسقيها متغطيه لمده 10 دقائق ثم اضع علي الوجه الجبن المبشوره و الزيتون المخلي
ثم تدخل الفرن مسخن مسبقا درجه حراره الفرن 180 درجه لمده 25 دقيقه
و بالف هناو شفا
ليست هناك تعليقات:
إرسال تعليق