مدة التحضير ٢٠ دقيقة
المقادير
كيلو دقيق
كوب زيت علي سمنه
نص كوب سكر
كوب قشطه
كوب لبن رايب
ملعقه ملح
ملعقه خميره فوريه
لتلميع الوجه
حليب /ملعقه نسكافيه
سمسم/سكر
الطريقه
شوفو بقي ياحبايبي انا لاقيت نفسي فاضيه والولاد نفسهم في حاجه ياكلوها قولت اقوم اعملهم قرص ياكلوها جنب الشاي بالحليب
جبت الدقيق وحطيت عليه كل المقادير الجافه وقلبته شويه وروحت ضايفه اللبن الرايب والسمن عالزيت والقشطه وفضلت الت واعجن لغايه ما بقت العجينه بقت زي الملبن سبتها خمرت واتضاعفت وابتديت افردها فطيره كبيرررره سمكها 1سم وجبت بوله قطاعه اوطبق صغير وابتديت اقطعها قرص دهنتها ولمعتها بحليب عالنسكافيه ورشيت سكر وسمسم وسيبتها تخمر تاني وسويتها في فرن علي درجه حراره 180وبالف هنا وشفا جربوها هتعجبكم جدا والله اتمني اكون قدرت افيدكم
مراجعة منى راضى
ليست هناك تعليقات:
إرسال تعليق