الإهمال
السلام عليكم موضوع اليوم مهم جدا واعتقد ناس كتير جدا بتقابلو وبصفه يوميه هو الأطفال ال بيمنعو الكلام او كلامهم بيقل بالتدريج أو مش بيكلمو خالص رغم انهم طبيعين
شوفو بقا الأطفال ال مبدأوش كلام مش كلهم بيحتاجو تخاطب او اى متخصص فى أمراض التخاطب لا الأطفال دى بتبقا محتاجه فقط انها يبقا عندها حصيله لغوية من أفراد أسرته أو اختلاطه بأطفال نفس السن فى الحضانه لأنه بيبقا مفيش حد ببساطه بيتكلم معاه او يلعب أو يعرفو الأشياء المحيطه بيه هتقلولى هو فى كدا اصلا هقولكم ايوة فى كدا وكتير
واكترهم ناس ال بتسافر برا لانهم بيبقوا مربين ولادهم فى مكان مفيهوش اختلاط مثلا بحد ولا اطفال زيه وكمان الأم والأب العاملين ال بيسيبو ولادهم مع اجانب او مربيات أو كمان الأم ال بتريح دماغها وتسيب ابنها أوب بنتها طول اليوم أمام التليفيزون أو اللاب أو التليفون كل دا بيؤدى لسكوت الطفل هتقلولى طب مافى أطفال بيسمعو حاجات بيقلدوها وببكلمو بيها دا قليل جدا ومش كله بيحصلو دا لأن أكثر الأطفال ال بتسمع القنوات دى وتشوفها وبيصابو بدا بيحصلهم حاجه من اتنين ياأما زى ما قلنا كلامهم بيقل لحد ما يبقوا خلاص نسيو انهم يتكلمو ويتفاعلو مع ال حوالبهم وبيفضلو انهم يسمعو فقط ياأما يصابو بالتوحد ودى كارثه تانيه بعدين نكلم فيها لكن ال عاوزة اوصلهولكم إن لازم يكون في تفاعل مع وجود حصيله لغويه متبقيش مكسله تكلمى مع ابنك او بنتك بالتالى الحصيله بتاعته اصلا هتبقا ضعيفه مع انه طفل طبيعى جدا وممكن يكلم بسهولة لازم ياجماعه لااازم ناخد بالنا مالحاجات البسيطه دى هى ال بتخلى ولادنا يمنعو الكلام وفى الأخر تقولو انا ابنى طبيعى مش بيكلم ليه
عشان حضرتك اهملتى أو اهملت فى حق ابنك وبنتك
شيماء حجاج
ليست هناك تعليقات:
إرسال تعليق