احمد كمال
كتب : حمدى محمد
احمد كمال من محترفى الريتاتش فى مصر يمتاز بتالقه فى هذا المجال وكان لنا معه هذا الحوار الشق والممتع لموقع واذاعة اخبار العرب :
تحدث احمد قائلا :
أسمى احمد كمال 27 سنه خريج
كلية حاسبات ومعلومات اشتغلت مع مصورين داخل مصر وخارجها وتخصصي في high end
retouch of fashion , beauty and portait
وليا خبره في فن الريتاتش
ما يقارب ال 5 سنوات
اتعلمت برنامج الفتوشوب
البرنامج الاساسي في ال RETOUCH من وانا عمري 15 سنه وبدأت اتعلمو بشكل عام ودرستو اكتر
لما وصلت الكليه اتعلمت كذا مجال فيه لحد ما تخصصت في مجال ال retouch في 2012
فتعلمي للفتوشوب ساعد بشكل
كبير اني اتخصص في الريتاتش واعرف اوظفو في التخصص وعندي خبره في المجال ما يقارب
ال 5 سنوات
بدأت اتعلمو في وقت كانت
لسه المعلومات عنو محدوده والريتاتش هو عباره عن تحسين الصور علشان توصل للشكل
المثالي فبيختلف الشكل المثالي حسب الهدف من الصور ومن ضمن تخصصي الريتاتش في مجال
ال beauty and fashion اللي بيستلزم دقه عاليه في
فهم تفاصيل الصوره .
وكون ان الريتاتش فن زي
باقي الفنون فالصوره المثاليه ملهاش تعريف ثابت لانو بيختلف حسب اختلاف الهدف من
الصوره والوصول لأقصى قدر تبان فيها الصوره طبيعيه ، فصعب ان يكون حصر لكلمة
ريتاتش في تحسين شكل البشره او الشعر او الشكل العام للجسم او الوجه او الالوان او
الاضائه
فكانت الفكره الاصعب ان
ازاي تبص وتتخيل الشكل المثالي للصوره بعد تعلم الفتوشوب واساسياتو وكيفية توظيفو
في الوصول للهدف المطلوب من الصوره ، فكان المصدر الاساسي لتحسين نظرة العين
للصورة وفهمها ان تشوف صور لمصورين وريتاتش من جميع انحاء العالم المحترفين علشان
تعود عينك وعقلك على الشكل الصحيح للريتاتش وتحافظ على طبيعة الصوره
فبعض الاحيان الهدف من
الصوره يستلزم انك تسيب تفاصيل وعيوب كتير من غير تعديل او تنظيف علشان توضح الهدف
الاساسي من الصوره
فانا من وجهة نظري ان الاهم
من انك تتعلم طرق كتير في الفتوشوب انك تعلم عينك وتدرب عينك على اشكال وانواع
كتير من الصور بأنك تتفرج على المصورين والريتاتشر المحترفين واللي ليهم سنوات في
المجال وتكون نظرتك للصور بشكل مدقق وتسأل دايما نفسك سؤال ليه الصوره دي شايفها
حلوه ؟ من السؤال ده بتقدر تعرف مميزات كل صوره وتكون عندك خبره
وخبرتك في الفوتوشوب بتمنحك
الفرصه انك تتحكم في كل التفاصيل الموجوده في الصوره وتوصل لهدفك .
ومن المؤسف ان مجتمعنا فقير
جدا في فهم فن الريتاتش لانو حديث وكتير بيفهموه انو عباره عن تنظيف وتنعيم كل ما
هو في الصوره ودي من اكبر المشاكل اللي بواجهها مع العملاء ونظرتهم لفن الريتاتش
انو طريقة واحده وشيء من السهل اي شخص عملو وبالتالي بيندرج تحتو ان العميل لسه مش
قادر يحس بأهمية وقدر العلم والفن الموجود في مجال الريتاتش
وفي حين ان الريتاتش
بالنسبالي مش مجرد شغل فهو شغف ليا فده بيخليني عايز اسيب بصمه ليا في المجال ده
عن طريق ان يكون ليا استوديو متخصص في فن الريتاتش بدون اي تخصصات تانيه كونه فن
يحتاج تخصص وافكار ونظره متخصصه جدا لفهم الريتاتش ومعالم الصوره وتفاصيلها ويتكون
من فريق كبير من الريتاتش القليلين في مصر بالتحديد اللي فهمو الفن ده ونحاول نوصل
فكرة الفن ده بالشكل الصحيح للمجتمع
من اعمال الفنان احمد كمال فى مجال الريتاتش
