قرقيش طريه مقدمه من الشيف المبدعه كريمه علي

مقدم من /كريمة علي
مدة التحضير/15 دقيقة
مده الطهي/ 10/ 12 دقيقة
القراقيش الطريه

كيلو دقيق
كوب زيت
كوب سمن
باكو خميره
ملعقتين لبن بودره
ملعقه ملح
ملعقه سكر
وحليب دافي
الطريقة
طريقة سهلة وبسيطة
ناخذالدقيق  والمقادير الجافه يخلطواجيدا واضافه الخميره السكر الملح والزيت والسمن بيكونوا دافيين مش سخنيين ونقلب كويس لغايه الدقيق يتشرب السمن ونضيف الحليب الدافى للعجن وممكن نضيف شمر يانسون وسمسم وحبه البركه ونسبيها
ترتاح ونبداء نشكلها زى مانحب وندخلها فرن ساخن

نصائح مهمه لست البيت مقدمه الشيف المتميزة كريمه علي

نصائح مهمه لست البيت

1/😉بالنسبه للسمن بجيب كل يومين اتنين كيلو حليب بغليهم واحطهم فى الثلاجه ماخدش منهم حليب خالص لغايه الصبح تتكون طبقه سميكه جدا من القشطه بشيلها فى علبه على اخر الشهر تكون اتملت اعملها سمن برطمان صغير تكفينى طول الشهر مع ازازه زيت ذره مابحتجش اجيب سمن من بره

2/😉بعمل بكيلو لبن زبادى بتطلع8كوبايات صغيره وطعمها تحفه وطبعا نظافه وتوفير وطعمها يجنن واللى عاوز الطريقه هقولهالوا

3/ 😉بجيب داونى او اى معطر ملابس كيسه صغيره بحطها فى ازازه واملاها مايه وارش منها فى البيت طبعا الريحه ماقولكوش وكمان للناس اللى بتتعب من الروايح مش هتتعب من ااريحه دى وهتوفر معاكى بدل المعطرات الجو

4/😉بالنسبه لنظافه التواليت بجيب كيس كلوركس صغير او اريال جل او اى حاجه ابو 2جنيه ده وتخرميه بالابره وتحطيه فى السيفون وكل ماتشدى السبفون هيتملى رغاوى صابون وريحه حلوه ونظافه على طول

5/😉عشان تعملى احلى مكرونه بشاميل زودى كريمه لبانى وجبنه مثلثات على البشاميل هيبقى فظييييع ولما تطلع من الفرن غطيها على طول هتبقى طريه جدا منقماتقطعهاش الابعد لما تبرد خالص وادعيلى

6/😉كل لما تعصرى طماطم اوعى ترمى اللى ماتصفاش ده منها اللى بيتبقى فى المصفى شيليه فى كيس فى الفريزر وكل لما تتبلى الفراخ خدى من الكيس ده مش هتحتاجى تبشرى طماطم مخصوص عشان التتبيله

7/😉فرق معايا اوى كل لما اجى احط مايه بتغلى على النار الاقى الدهون اللى على السراميك بتدوب اعمليه بليفه وهتطلع بسهوله معاكى لا دعك ولا غيره

8/😉الحنفيات ادعكيها بفوطه عليه نقطه زيت جونسون هتلمع زى الجديده بالظبط وهتفضل كده مده هتنبهرى بمنظرهم بجد

.وادي شوية نصائح لكل ست بيت شطوره

🍬 دايما أحتفظى بزجاجة تنضيف الصحون الفاضية عشان تستخدميها بعد كدة فى أنك تخففى فيها السايل مرة تانية بالماء وبكدة هتوفرى طبعا .. وكمان ممكن تحتفظى بيها وتحطى فيها الكلور عشان ليها بوز صغير هيوفر عليكى بدل الدلق من الازازة

🍬دايما حطى دواسة تحت الحوض بتاعك عشان المية او اى سوايل ممكن تقع منك

🍬خلى دايما فى كيس جمبك وانتى بتطبخى تحطى فية بقايا تنضيف الفراخ او السمك او الخضار وطبعا ترمية أول بأول عشان انتى عارفة ريحتة ممكن تعمل اية ...

🍬باسكت الزبالة دايما خلية نضيف اغسلية دايما بمطهر ولبسية كيس ماترميش فية اى زبالة سايلة او اى حاجة تعمل روايح فية

🍬دايما بعد ماتغسلى المواعيين والاطباق بالليل طهرى الحوض بشويةخل مع صابونك السايل

🍬اغسلى الخلاط بتاعك اول باول كويس عشان لونة ميغيرش مع الوقت ويصعب عليكى بعد كدة تنضيفة

🍬لو مطبخك سيراميك وبيوقع علية دهون او زيوت ومش نضيف ياعنى ودى طبعا حاجة بتضايقنا قوى كبى علية شوية ماية سخنة وخل وبريل وادعكية كويس الاول وبعد كدة امسحية هبقي فلة

🍬لو عاوزة تحافظى على لمعان الاستالس بتاع البتوجاز بتاعك مافيش داعى انك تمسحية بالمنظفات القوية زى مذيب الدهون والحجات دى عشان بتطفى اللمعة بتاعتة خلى دايما ايدك فيها فوطة اول باول وامسحية ونضفية بعد كل طبخة كدة مش هيحتاج لااى منظفات غير البريل

🍬وانتى بتنضفى التلاجة بتاعتك دايما امسحى الجوانات بتاع التلاجة بفرشه اسنان وياسلام لو جبتى البخاخة بتاع كى الهدوم دى وفيها شوية مية سخنة ورشيتي عليهم وانتى بتمسحى هيطرو معاكى وتبقى كويسة

🍬بلاش المفارش اللى بتحطيها فى التلاجة على الارفف دى عشان بتمنع توزع البرودة بشكل كويس لباقى الارفف

🍬دايما فضى اكياس العدس والمكرونة والحجات دى فى علب ونظمبها بشكل كويس فى المطبخ

🍬الانبوبة دايما خلى بالك منها من تحت بيتخبها عشان الصراصير

🍬المكان اللى تحت الحوض دة دايما نضفية ونشفية عشان مايعملش ريحة لانة مكان ممتاز للصراصير😂😂

🍬التيربو بتاع البصل والتوم حطى فى اخر رف فية ورقة او قماشة عشان اى ورقة او فصوص توم ممكن تقع مابين الفتحات

🍬لازم تهوى مطبخك يوميا وماتخليش اى زبالة بايتة فية او اى سوايل او اكل مكشوف عشان الحشرات

🍬عودى نفسك تمسحى المطبخ كل يوم بعد ماتخلصى وبالفنيك

🍬دايما حافظى على شكل ونضافة الرخامة خليها دايما فاضية ماتسبيش عليها غير الغلاية مثلا وحمالة التوابل والمجات والميكرويف الحجات اللى زى كدة

كتبت✒ بطوط احمد..وصية امي

وصية_أمي
 أوصتني أمي منذ كنت طفلة ألا أبكي أبداً، وأن أكون قوية ، كما أوصتني أن يكون الجميع لدي بنفسِ المكانةِ كي أتجنب ألمَ التعلقِ والمحبةِ التي أبالغ فيها إن خصصتها
لكنّه صعبٌ عليّ أنْ أُطبق تلك التوصيات يا أمي الحبيبة
قوية نعم ولكني ضعيفة القلب والمشاعر والأحاسيس ،
قلبي رقيق هش حنون يتمسك بمن يستحقه
خالفت أمي في وصيتها التي بسبب مخالفتها يصيبني عميق الوجع ممن فشل في التمسك بقلبي وجافاني ....
أنا لا أستطيعُ كبح جماح مشاعري أو التحكم فيها يا أمي ، تماماً كما لا أستطيعُ التوقفَ إن انفجرتُ غضباً
عصبية نعم ولكني سرعان ما أهدأ وأنسى واغفر واسامح وأقدر وأعذر
قلبي دافيء لا يليق به إلا الحب فقط
 لا زلتُ كما أنا يا أمي ، أمسك دمعاتي عند الفراق، و أنتظر حتى أكون وحدي، فينفجرُ سيل دموعٍ هائلٍ من عيني
قوية باخفاء دموعي وحزني ووجعي
 تلك الحياة تقسو علي كثيرآ يا أمي ، و لا تنصف مشاعري، ولا يسع الكون بأكمله إحساس حبٍ من قلبي، أو كلمة عتابٍ تعني تمسكي..
تركت العتاب وأصبح الصمت هو دليل عتابي لمن فطن
ذاك الكون لايسعني، ألآ ما أضيقه على روحي
روحي تريد الآنسحاب ولكن هناك من يريدني حتى لو كان أوحد سأبقى لأجله
سأكون_قوية_يا_أمي
حفظك_الله_لي❤

كيك الشيكولاته مقدمه من الشيف المتميزة ايمان مجدي

كيكه الشيكولاته ولا اروع
كيكة الشوكولاته بالصوص 🍫🍫🍫🍫
مقدمه من / إيمان مجدى
مدة التحضير/ 20 دقيقه
مدة الطهى /   30 دقيقه

المقادير:

5 بيضات
2/1 1 سكر
3/4 كوب حليب
3 كوب دقيق
3/4 كوب زيت
كاكاو بودرة
4 ملاعق صغيرة بيكينج بودر
فانيليا

صوص الشيكولاتة :

1/4 كيلو شيكولاتة خام
2 ملعقة كبيرة سكر
ملعقة زبدة
ملعقة كبيرة نشا
2 كوب حليب

الطريقة :

– قومى بخلط الشيكولاتة الخام مع السكر والزبدة والنشا والحليب ، وقلبيهم جيدا على النار أن يذوبوا تماماً.
- اضربي البيض مع الفانيليا بالمضرب الكهربائي،ثم ضيفي عليهم السكر والزيت، واخلطيهم جيدا مع بعض.
- و اخلطي الدقيق مع البيكينج بودر، ثم ضيفى عليه خليط البيض، وقلّبيهم مع بعض جيداً باستخدام ملعقة خشب، حتى تمام تجانس المكونات ويتماسك مع بعضه،
- ثم ضيفي الكاكاو بمقدار وجربى ثم ضيفى المزيد حتى تحصلى اللون الذى ترغبى فيه.
- احضرى صينية الكيك ، وادهنيها بقليل من الزبدة ، ورشّيها بالدقيق، وصبّي فيها العجين،
- ادخلى صينية الكيك في فرن ساخن، واتركيها لمدة 30 دقيقة،
- بعد مرور الـ 30 دقيقة افتحى الفرن ، واغرسي فيها السكينة؛ حتى تتأكدى من تمام نضج الكيكة
- واذا خرجت السكينة نظيفة تكون الكيكة أصبحت ناضجة تماما واذا خرجت والتصق بها العجين ادخليها لمدة 10 دقائق أخرى .
-ثم اخرجى صينية الكيك من الفرن، وضيفى عليها صوص الشيكولاتة البارد، واتركيها جانبا حتى تهدأ، ثم قطّعيها وقدّميها.
بالهناااااااااااااااااااااااا

سحلب بالمكسرات مقدمه من الشيف المتميزة اماني رضا

سحلب بالمكسرات
مقدم من امانى رضا
مده التحضير ١٠ دقائق
مده الطهى ١٠ دقايق
المقادير
سحلب
سكر
حليب
مكسرات
زبيب
جوز هند
الطريقه
كوب حليب بارد معلقه سحلب معلتين سكر ويتم التقليب حتى الذوبان ويتم رفعهم على النار مع التقليب
ويقدم مع جوز الهند والمكسرات

ساندوتشات تنفع الأولاد في المدارس مقدمه من الشيف المتألقه هاجر فتحي

اسم الطبق/سندوتشات للمدرسه بجميع الحشوات
جبن رومي..جبن بيضه...لانشون...مربي...شوكولاته...لحم مفروم...شاورمه فراخ...كل اللي يعجبكم....
المكونات........... 
نص ك دقيق
نص كوب زيت
نص كوب حليب دافئ
نص كوب ماء دافئ
باكو خميره
٢معلقة سكر
بيضه
نص معلقة ملح
الطريقه...............
نحط الميه ع اللحليب علي الزيت والخميرة والسكر والملح وبياض بيضه ونقلب لغاية ما السكر يدوب ونسبها ١٠دقايق تخمر  ..وبعد كده نحط الدقيق ونقلب ونعجن في العجينه لمدة ١٠دقايق ونسبها تخمر لمدة نص ساعه. او ساعه حسب لما العجينه تخمر وتعلا   ....تبدء نكورها كور  صغيره كده وتفرد ونحسب اي نوع حشوات....وبعد كده تدهن الوش بصفار البيضه ومعلقتين حليب ونص معلقة سكر وشوية نسكافيه ونقلب وندهن ونرش سمسم وحلو البركة
وندخلها الفرن لمدة ٢٠دقيقه واول لما يحمر من تحت نفتح الشوايه ندي لون من فوق ونقفل علطول

طيب كريب مقدم من الشيف المتميزة غزلان الراضي

انا جيت وجبت اطيب كريب
مقدم من غزلان الراضي
مده الطهي 15دقيقه
مده التحضير 30دقيقه

المقادير

لتر حليب 6بيضات 1كيس فانيلا 2ملاعق زبده قبصه ملح نص كيلو دقيق  ملعقه سكر الموز وشكولاطه نوتالا

الطريقه
ناخد خلاط الكهربائي ونضع فيه كل المكونات ونخلط جيدا وبعد ناخد مقلات طيفال ونخليها تسخن وبعد نضل نكب شوي شوي بالملعقه الكبيره ونخليه يستوي وبعد نعمل الحشوه نوتالا والموز بالهنا والشفاء

وصفة الانشون مقدمه من الشيف المبدعه هاجر فتحي

وصفة الانشوون.....
مقدمه من الشيف المبدعه هاجر فتحي
وقت التحضير 15دقيقه
وقت الطهي ساعه 

المقادير
5نستو
5بيض
5معالق دقيق
بصل بودر ..توم بودر.. بابريكا..فلفل اسود...رشة ملح...حبهان وورق لوري أنا بكون طخناهم مع بعض باخد منهم علطول
2ماجي
لون احمر من العطار
نص كوب زيت

الطريقة
بتحطي  كله في الخلاط وتصربي لغاية مايندمجو مع بعض كويس وتنزلي الخليط في طبق وعليه الدقيق وتقلبي جامد و بعد كده تصبيه في كيس وتخرجي منه الهوا وتربطيه وتلقيه في فويل علي شكل اسطوانه ومن الجناب تعمليه زي ربطته البنبوني وتحطيه في ميه مغليه لمدة ساعه كل جنب نص ساعه وتقلبيه وبعد الساعه تخرجيه تفكيه ولما يهدي خالص تقطعيه وبالهنا والشفاااااا

كعب الغزال مقدم من الشيف المتميزه Batot Ahmed

كعب الغزال
مقدم من الشيف المتميزه Batot Ahmed
وقت التحضير 20دقيقه
وقت التخمير 35

دقيقه
وقت الطهي 10دقائق
تنفع للولاد في المدرسه وتديهم طاقه ..✔
طريقة عمل كعب الغزال بالعجوة بخطوات سهله وبسيطة 👇

المقادير
 3 كوب دقيق
 نص كوب زيت ربع زبده
 ملعقة كبيرة خميرة فورية 
 2 ملعقة كبيرة سكر 
 حليب دافئ للعجن ودي التكه بتعتي الحليب بيخليها لانشفه ولا طريه ..
 رشة ملح

الحشو
 عجوة 
 زيت او سمن 
 سمسم

الطريقة
 اخلطي الدقيق مع الخميرة والسكر ورشة ملح
ضيفي الزيت ثم ضيفي الماء تدريجيا واخلطي حتى الحصول على عجينة متماسكه لكنها طريه.
اتركى العجينه لتتخمر نصف ساعه.
 لتحضير الحشو سيحى العجوة مع الزيت والسمسم والقليل من الماء على النار .
 أفردى العجينة بالنشابة على شكل مستطيل ثم إحشيها بخليط العجوة بكامل طولها.
 لفى العجينة رول ثم قطعيها ورصيها على صينيه مدهونه زيت او ورق زبدة & اتركيها تتخمرة مرة اخرى.

 ثم أدخليها الفرن حتى النضج وقدميها .