اسهل طريقه لقدره قادر مع شيف ندي فاروق في سنه اولي مطبخ -موقع اذاعه واخبار العرب

اعداد:ندي فاروق    

               ♨سنه أولي مطبخ مع ام انس♨

                 يقدم أسهل طريقه لقدره قادر

 كيكه قدره قادر  من المطبخ الخليجي تتمتع بطعم رائع وسميت قدره قادر لانها عباره عن 3 طبقات  طبقه كراميل وطبقه كريمه وطبقه كيك كلهم فوق بعض وبمجرد دخولها الفرن وتعرضها للحراره بتفصل كل طبقه لوحدها ولذلك سميت قدره قادر
&المقادير&
كوب وربع دقيق
3معالق كبار كاكاو خام
باكو بيكنج بودر
6بيضات
2 كوب لبن
2كوب سكر
نص كوب زيت
2معلقه صغيره فانيليا
2معلقه خل كبيره
للتزيين صوص شوكلت حسب الرغبه
&الطريقه&
         قبل البدء في اي حاجه نشغل الفرن علي 180
1. اول طبقه الكراميل :في صينيه مقاس 26 نضع نص كوب سكر علي نار هاديه حتي يتكرمل السكر  وبدون تقليب ممكن فقط هز الصينيه
حتي نساعد السكر يتكرمل بدون مايتحرق
2.تاني طبقه الكريمه:نضع في الخلاط كوب سكر وكوب ونص لبن و4 بيضات ونص معلقه فانيليا ومعلقه خل ونخفقهم كويس ثم ننزل بالخليط علي الكراميل
3. تالت طبقه الكيك:نضع في بوله الدقيق مع البيكنج بودر والكاكاو ورشه ملح بسيط جدا ونقلبهم كويس
وفي الخلاط نضع 2 بيضه ونص معلقه فانيليا ومعلقه خل والزيت ونص كوب لبن ونص كوب سكر ونخفقهم كويس وننزل بيهم علي خليط الدقيق ونقلب كويس جدااا في اتجاه واحد ثم ننزل بخليط الكيك علي الكريم كراميل
4. نحضر صينيه مقاس اكبر ونضع فيها مياه ساخنه ونضع جوه الصينيه صينيه قدره قادر يعني زي حمام مائي
وندخلهم فرن  سخن علي 180 علي الرف الوسط لمده 45 متفتحيش الفرن قبل ال35 دقيقه لم تخرج من الفرن تغطيها وتبرد تماما ندخلها التلاجه ليله كامله او 4 ساعات علي الاقل وتخرج نضع الصينه علي النار ثانيه واحده ونقلبها علي طبق التقديم وتقدم بالف هنا وشفا
تحياتي & ندي فاروق
انتظروني بوصفات اخري احلي واحلي❤