مقادير الكعك الناعم علي البارد اعداد شيف بنداري زغلول حساسين

مقادير الكعك الناعم علي البارد المقادير كيلو دقيق ابيض 500جرام سمنة عادية بالإضافة إلى 60 جرام سمنة بلدى عشان الطعم يعنى على كيلو الدقيق 560 جرام سمنة فى الشتاء لو عوزينه ناعم زيادة ولكن فى الصيف كيلو الدقيق له نصف كيلو سمنة ممكن نستخدم سمنة عادية أو خليط بلدى مع عادى أو بلدى صافى 50 جرام سكر بودرة ملعقة صغيرة بيكنج بودر ملعقة كبيرة خميرة فورية 200 مللى ماء 2ملعقة كبيرة حليب بودرة ممكن نضيف ريحة كحك أو بدون لأن فيه سمنة بلدى ذرة ملح صغيرة جدا الطريقة بقى. ....ناخد بالنا أوى ولو محدش خد باله انا مش مسؤول 😟 أول شئ ندوب الخميرة فى المية ونتركهم على جنب ثانيا هنخفق السمنة مع السكر لحد ما الخليط يبيض ويبقى كريمى بعدين نضيف الدقيق مع ذرة الملح والبيكنج بودر والحليب البودرة ونقلب بهدوء جدا بعدين نضيف الماء المذاب فيه الخميرة مرة واحدة ونقلب بهدوء برضو ممكن نلاقى العجين جامد. ..عااااادى جدا متخافيش وتقعدى تدعى عليا 🙄 هو كدا طبيعى بعد كدا ناخد قطعة بقطعة وناخد بالنا بقى من الخطوة اللى جية نخدم العجين كويس ع الرخامة زى ما بندعك عجين الغريبة كدا هتنعم وتطرى وتبقى فلة نقطع منها ونحشى بقى بلاش نكبر الحجم أنا حشيت ملبن مع مكسرات ونلف ونرص فى الصينية واشتغل بالبصامة بتاع الكحك لو عوزين شكلها أنزله. .... ويروح الفرن علطول علشان شكل النقشة ميروحش ممكن يستنى برة ربع ساعة ميروحش الفرن مش اكتر من كدا الصينية نضعها فى نص الفرن ملحوظة لازم نولع الفرن قبل ما ندخل فيه الكحك بفترة ... الكحك هيروح الفرن على حرارة 170 وهياخد تقريبا فى الفرن من 20 إلى 25 دقيقة هيطلع لونه أبيض مائل للاصفرار قليلا زى الصور بلاش يقعد فى الفرن اكتر من كدا هيفتح ويطلع منه الحشو الكمية دى هتاخد حشوة نصف كيلو ملبن تقريبا انا قولت كل التركات تقريبا.