كنافه بالمهلبيه مقدم من مطبخ الشيف مرمر

🌷 
اسم الوصفة / كنافه بالمهلبيه أو بالكريمة
مقدمه من / الشيف مرمر
🌟  🌟
 نصف كيلو كنافه
كوب سمنه
 ربع كوب سكر بودر
 🌸الحشو فى النصف 🌸
 نصف كيلو لبن
  2معلقه كبيره سكر
 2معلقه كبيره قشطه
 2معلقه كبيره نشا
 2 معلقه كبيره كريم شانتيه ( اختيارى )
💕 طريقه عمل المهلبيه 💕
 نضع  اللبن فى حله  ونحليه بالسكر. ندوب النشا فى ١/٤ كوب ماء بارد تماما .  نضيف النشا الى اللبن ثم    القشطه  والكريم شانتيه و نقوم بالتقليب باستمرار حتى يتماسك الخليط. نطفى عليه النار
🌟طريقه عمل الكنافه🌟
نقطع الكنافه بالمقص او باليد قطع صغيره جدا  ناعمه
 نضع على الكنافه السكر البودره والسمنه  ونقلبهم مع بعض كويس نفلفلهم مع بعض
نحضر الصنيه ونضع فى الصنيه  سمنه من تحت ثم نضع نصف كمية  الكنافه ونضغط عليها اوى
 نضع المهلبيه فى الوسط بلاش  نفرد اوى فى الجوانب علشان مش تطلع منها  وافرديها   اوى علشان تكون متسويه ثم نضع نصف الكنافه  الاخر ونضغط عليها كلها بصنيه اخرى
 نضع على الوش معلقتين من  السمنه  وتدخل الفرن على نار هاديه  180ولما الوجه يحمر  تخرج من الفرن
اذا الصنيه لسه ما اتحمرت
نقلب  على الجانب الثانى وتاخد وش على الجانب التانى
 يكون لون ذهبى
لو الصنيه كلها اتحمرت بلاش تقلب
 🌸ملحوظه 🌸
💞 💞💞💞
الصنيه تقلب اذا كانت اتحمرت من الوش ومن تحت لسه نايه فى بوتجازات تحمر من تحت الاول والوجه بيغيب على ما يتحمر علشان كدا بنقول تقلب ويحمر الجانب اللى لسه ما يتحمر
 وبعد خروجها من الفرن ونسقيها بالشربات البارد  وتقدم وبالف هنا  مع تحياتى مطبخ مرمر
💞💞💞💞💞💞💞

تشيكن رول بالسبانخ مقدم من الشيف رضا الموافي

تشكن رول بالسبانخ
من مطبخكم الصحي
كل عام وحضراتكم بالف خير.
احيط علم سيادتكم بأن نوعي الارز الموجودين بالصوره ارز مسلوق
الارز الابيض مياه علي النار وهيل وعصير ليمون وخل وملح خفيف وقليل من زيت الزايتون بعد غسيل الارز ونقعه نضعه في القدر حتي يطبخ  ثلاثه اربع سليق يصفي ويرجع القدر مره اخري ويوضع عليه قليل من زيت الزيتون ويغطي ويترك علي نار هادئه
الارز الاصفر نفس السابق ولكن يوضع مع القدر ملعقه صغيره زعفران وملعقه كبيره كركم
ويتعامل مع طريقه الارز الابيض

تجهيز السبانخ ممكن فروزن أو طازجه تقطع وتغسل
في طاسه بها بصل مبشور وقليل من الثوم
مع قليل من زيت الزيتون حتي تأخذ اللون الذهبي نضع السبانخ وقليل من الفلفل الاسود والأعشاب حتي تطبخ توضع في مصفاه للتخلص من الماء الموجود بالسبانخ
الدجاج
بعد غسيل الدجاج بالخل والدقيق والليمون والماء تقطع صدور الدجاج بالطول ليصبح الصدر اثنان
تتبل بقليل من الفلفل الابيض
ناخذ صدر ويطرق باي وسيله علي كيس بلاستيك ويفرد الصدر وعلي طرف من الصدر نضع ملعقه من الحشوه ويلف بأحكام رول
ويرص في صنيه فرن مدهونه زيت زيتون
ويدخل الفرن درجه حراره 200 مده 20 دقيقه
نجهز طاسه نضع بيها
في الخلاط لتر حليب قليل الدسم أو لوفات
مع 2 ملعقه كبيره حليب كوكونت ميلك وباكت بوره كريمه دجاج
في الطاسه علي نار هادئه نخرج الدجاج الرول من الفرن نضعه في الطاسه نتركه 10 دقائق. الي أن يكتسب طعم الصوص
جهزي طبقك
ضعي 170جرام دجاج
ضعي. 150جرام ارز
ابدعي في طبقك
خضار سوتيه جرجير صوص
تفنني
بالهنا والشفا
اطلت عليكم لكم الحب والاحترام

المحشي المشكل مقدم من الشيف رضا الموافي

المحشي المشكل

وجبة الطيبين  ورمضان كريم 
المقادير
علي حسب الموجود
فلفلة الوان
كوسة
جزر
بذنجان رفيع
بصل

تجهيز الخضروات للحشو
الفلفة الالوان بسكين رفيع ننزع الفاتحة العلوية لها ونزيل راسها ونزيل البذور الموجودة بالفلفة وتغسل وتوضع بالمصفاة
الكوسة بسكين نقطع فتحتها العلوية مع جزء بسيط منها حتي تتساوي وبمقورة الكوسة نمشي باسنانها علي الكوسة من الخارج وباستعمال المقورة نفرغ وباحتراس مابداخل الكوسة بحذر حتي لا تثقب وتغسل
ما تم عملة بالكوسة نكررة بالبذنجان دون عمل شي بخارجها
اما البصل نحضر حبة او حباتان من البصل الكبيرة ونشقها بالطول وتوضع في ماء مغلي بة ملح وتخرج ورقة ورقة وتبرد في ماء بارد

علي النار وفي قليل من الزيت نشوح الكوسة والباذنجان وتوضع في مصفاة لتصفية الزيت الزائذ

بهذا جهزنا الخضروات المسبقة للحشو

نحضر قليل من الارز المصري نغسلة جيدا ونضعة بمصفاة ليصفي الماء الزايد

نحضر شبت وبقدونس وكسبرة يغسل ويفرم ناعم ويصفي

لعمل الصلصة
1 حبة من البصل الكبيرة مغسولة ومبشورة بالمبشرة
مع 5 سن ثوم علي النار مع قليل من الزيت والسمن ونحرك حتي يصبح ذهبي اللون نضع 3 ملاعق كبيرة من معجون الطماطم و1 خلاط طماطم مع مرقة الدجاج والبهارات وقليل من الملح وتترك لتتسبك ثم نتركها تبرد ثم نضع الشبت والقدونس والكسبرة عليها والارز
بهذا نكون جهزنا خلطة الحشو
نحضر قدر نقطع حبة من البصل شرايح خفيفة وترص في قعر القدر
ونحضر حبة من الطماطم وتقطع شرايح وترص مع الطماطم و5 سن ثوم تقطع شرايح وترص معهم واذا وجد روز ميري عود ايضا
البصل ناخذ حبة اي ورقة منة او شريحة منه ونضع قليل من الحشوة وتلف كالكرنب او الملفوف

والكوسة والفلفلة والباذنجان تحشى ولكن لا تملئ
مرعاة زيادة الارز
ويرص في القدر باحكام دون ترك الفراغات
وتغطي بطبق اوغطاء اصغر من غطاء القدر
ونضع قليل من الزبد والزيت والسمن قبل التغطية
نحضر ماء مغلي ونضع به مرقة الدجاج والملح والبهارات
ويوضع فوق المحشى بنسة قليلة جدا اي فوق المحشى بارتفاع 1 سم
ونضعة علي النار حتي يشرب الشوربة او الماء المجهز ونهدي النار حتي يستوى المحشى
ويغرف في طبق التقديم بهذا الشكل الجميل
وبالهنا والشفا
واسف ربما تعتقدون انني اطلت ولكن يعلم اللة انني اختصرت
لكم حبي واحترامي وتحياتي

مشروب العرقسوس والخروب مقدم من مطبخ الشيف مرمر

اسم الوصفه / عمل مشروب االخروب والعرقسوس  🌹🌹🌹🌹🌹
مقدمه من / الشيف مرمر
💥

🌹 مشروب الخروب 🌹
١/٢ كوب خروب مجروش
٣/٤ كوب سكر
2 لتر ماء
فى حله على النار يضع السكر يتكرمل ( حطى السكر فى الحله بدون تقليب الى ان يدوب السكر لوحده بس تكونى واقفه بجانبه او ما السكر يدوب يقلب) قلبى حتى يوصل للون الذهبى حطى الخروب ويقلب تقلبتين ثم نضع الماء ( السكر هيجمد بس مع الغليان هيفك تانى) يترك على النار يغلى ١/٤  ثم يبرد ويصفى ويضع فى التلاجه وبكدة عندك عصير خرور بدون مواد حافظه

  🌹 مشروب العرقسوس🌹
١/٢ كوب عرقسوس
رشة بيكربوناته
3ملاعق ماء
فى طبق يضع العرقسوس مع البيكربونات مع الماء ويختلط جداااا علشان يعطى نتيجه حلوه ويترك فى الشمس او ولعى الفرن 10 دقائق واطفيه وحطى العرقسوس فى الفرن المطفى ساعتين ثم يضع العرقسوس فى شاشه نظيفه ويقفل عليه ( اعمليه زى السره) ويضع فى دورق  يضع عليه لتر ونصف ماء مثلج ويضع  فى التلاجه ويشرب بعد الفطار 3 ساعات واللى الضغط عنده عالى  بلاش يشرب منه
وبالف هنا 📍📍📍📍📍📍📍📍

جلاش بالمهلبيه مقدم من ساره محمد

🌹 طريقه عمل الجلاش بالمهلبيه🌹
مده التحضير: ١٠ دقائق🌸
مده الطهي: ٢٠ دقيقة🌸
المكونات 👇
لفه جلاش
خمس معالق سمن بلدي او زبده
كوبين لبن
٣ معالق نشا
٣ معالق سكر وحسب الرغبة السكر ممكن يزيد
معلقه صغيره فانليا
للحشو اى مكسرات او حسب الرغبه ممكن تكون ساده
🌼 لعمل الشربات 🌼
كوب سكر
كوب ماء
نصف ليمونه🍋
معلقه فانليا
🍀 الطريقه 👇
لعمل المهلبيه في اناء على النار وفيه اللبن ونضيف الفانليا والسكر ونكون مدوبين النشا فى ربع كوب ماء او لبن ونضيفه عليها مع التقليب المستمر لحد ما القوام يتقل🌺
نحضر الصنيه مدهونه سمن ونفرد كل ورقتين من الجلاش وندهن سمن لحد نصف الكمية ونضيف المهلبيه وعليها المكسرات ونقفلها كويس من الجوانب ونضيف بقيت الجلاش وندهن سمن ونقطعها وتدخل الفرن لما تحمر نسقيها الشربات 🌹

تشيكن فرنش مقدم من الشيف بلال بدر

السلام عليكم ورحمة الله وبركاته
اكلات الشيف بلال بدر
تشكن فرينش واي دي اكله بسيطه وسهله اوي فرنسيه
مدة التحضير والطهي
٢٠دقيقه
المقادير ربع ك فراخ صدور مقطعه كيوبس (مكعبات)
٢معلق مسترده
معلق اعشاب فرنسيه روزماري وزعتراوريجانو ربع معلقة ريحان
ربع كوب ويبنج صوص (كريمه لباني)
معلقة ذبده
معلقتين زيت
فص ثوم
الطريقه
تشوح الفراخ في الذبده
ثم اضافة الثوم وبعدين المسترده
ونتبل بملح وفلفل ابيض
والكريمه في الاخر مع الاعشاب بالف هنا

كنافه بالمهلبيه من مطبخ الشيف مرمر

🌷 
اسم الوصفة / كنافه بالمهلبيه أو بالكريمة
مقدمه من / الشيف مرمر
🌟  🌟
 نصف كيلو كنافه
كوب سمنه
 ربع كوب سكر بودر
 🌸الحشو فى النصف 🌸
 نصف كيلو لبن
  2معلقه كبيره سكر
 2معلقه كبيره قشطه
 2معلقه كبيره نشا
 2 معلقه كبيره كريم شانتيه ( اختيارى )
💕 طريقه عمل المهلبيه 💕
 نضع  اللبن فى حله  ونحليه بالسكر. ندوب النشا فى ١/٤ كوب ماء بارد تماما .  نضيف النشا الى اللبن ثم    القشطه  والكريم شانتيه و نقوم بالتقليب باستمرار حتى يتماسك الخليط. نطفى عليه النار
🌟طريقه عمل الكنافه🌟
نقطع الكنافه بالمقص او باليد قطع صغيره جدا  ناعمه
 نضع على الكنافه السكر البودره والسمنه  ونقلبهم مع بعض كويس نفلفلهم مع بعض
نحضر الصنيه ونضع فى الصنيه  سمنه من تحت ثم نضع نصف كمية  الكنافه ونضغط عليها اوى
 نضع المهلبيه فى الوسط بلاش  نفرد اوى فى الجوانب علشان مش تطلع منها  وافرديها   اوى علشان تكون متسويه ثم نضع نصف الكنافه  الاخر ونضغط عليها كلها بصنيه اخرى
 نضع على الوش معلقتين من  السمنه  وتدخل الفرن على نار هاديه  180ولما الوجه يحمر  تخرج من الفرن
اذا الصنيه لسه ما اتحمرت
نقلب  على الجانب الثانى وتاخد وش على الجانب التانى
 يكون لون ذهبى
لو الصنيه كلها اتحمرت بلاش تقلب
 🌸ملحوظه 🌸
💞 💞💞💞
الصنيه تقلب اذا كانت اتحمرت من الوش ومن تحت لسه نايه فى بوتجازات تحمر من تحت الاول والوجه بيغيب على ما يتحمر علشان كدا بنقول تقلب ويحمر الجانب اللى لسه ما يتحمر
 وبعد خروجها من الفرن ونسقيها بالشربات البارد  وتقدم وبالف هنا  مع تحياتى مطبخ مرمر
💞💞💞💞💞💞💞

كفتة الحاتي مقدم من عواطف لبيب

مساء الخير عليكوا
تعالوا اقولكم على طريقة كفتة الحاتى 👉
بدون شواية ونفس ريحة اللى برا
بس على احلى وانضف ولله تحففة
المقادير
نصف ك للحم 100 جرام للحم دوش
2 بصلة وسط مبشورة
ملعقة صغيرة ملح
ملعقة صغيرة فلفل أسود
نصف ملعقة صغيرة جوز الطيب
الطريقة
بعصر البصل المبشور واخد المية بتاعتة احتفظ فيها واخد تفل البصل مع اللحم والدهن والتوابل واخلطهم كويس لحد الكل يخطلت واسيبها في الثلاجة 30 دقيقة وبعدين بجيب سيخ واصبع علية الكفتة واحطها على شبك فرن البتجاز وبجيب صنية بقطع فيها فلفل ألوان وبصل وبطاطس وثوم قطع كبيرة واتبلة بالملح وفلفل أسود وجوز الطيب واحط شبك الفرن على الصنية بكون رصيت أصابع الكفتة بمية البصل وشغل الفرن على درجة عالية واحط الصنية وفوق منها الشبك بالكفتة بكون مولعة كام قطعة فحم لما بقوا جمرا بحط الفحم في الفرن والدهون بتنزيل عليه وعلى الخضار اللى تحت الشبك بياخد طعم ريحة المشاوى
بجد طلع روووعة

الخبز الشامي الابيض مقدم من ساميه حافظ

العيش الشامي
مقدم من سامية حافظ
المقادير
كيلو دقيق
2 ملعقة كبيرة خميرة
2 ملعقة كبيرة سكر
نصف ملعقة ملح
مية دافية للعجن
الطريقة
ينخل الدقيق ويوضع عليه كل المكونات السابقة ونضيف المية الدافية ونعجن حتي تصبح عجينة ناعمة وتترك تختمر ثم تقطعركورات صغيرة وتترك ترتاح ونفردها علي رشة دقيق بسيطة وتتوضع علي صنية وتغطي بفوطة ترتاح ثم يوضع في الفرن صاج او صنية وتترك تسخن جيدا في الفرن وتوضع الارغفة علي الصنية لتخبز  ويقدم وممكن يستوي علي جريل علي شعلة البوتاجاز ويقدم بالهنا